جرائم پیشہ افراد نے پنجاب حکومت کو دیا کھلا چیلنج! تازہ گینگ وار میں کبڈی ٹورنامنٹ کلب کے پردھان کی موت

پنجاب میں حکومت بدلتے ہی جرائم پیشوں کے حوصلے بلند ہوتے نظر آ رہے ہیں۔ پنجاب میں گینگ وار کے واقعات لگاتار بڑھتے جا رہے ہیں۔ اب پٹیالہ ضلع سے کبڈی ٹورنامنٹ کلب کے پردھان کے قتل کا معاملہ سامنے آیا ہے۔ جانکاری کے مطابق منگل کی دیر شب کبڈی ٹورنامنٹ کلب پردھان کا گولی مار کر قتل کر دیا گیا۔ مہلوک کی شناخت گاؤں کلا باشندہ دھرمیندر سنگھ کی شکل میں ہوئی ہے۔

بتایا جا رہا ہے کہ پنجابی یونیورسٹی کے پیچھے پٹرول پمپ کے پاس دیر رات دو گروپوں میں گولی باری ہو گئی، جس میں دھرمیندر سنگھ کو موت کے گھاٹ اتار دیا گیا، قتل کی پوری واردات سی سی ٹی وی میں قید ہو گئی۔ ویڈیو میں نقاب پوش دھرمیندر پر گولیاں چلاتے نظر آ رہے ہیں۔ واضح رہے کہ دھرمیندر سنگھ ہر سال گاؤں میں کبڈی ٹورنامنٹ کرواتا تھا اور کبڈی ٹورنامنٹ کلب کا پردھان تھا۔ اس پر کئی گولیاں برسائی گئی تھیں۔ واردات کی خبر ملتے ہی موقع پر پہنچی پولیس نے لاش کو اپنے قبضے میں لے کر پوسٹ مارٹم کے لیے بھجوا دیا۔