بی ایس ایف نے جموں و کشمیر میں اسلحہ لے جا رہے پاکستانی ڈرون کو کیا تباہ

بارڈر سیکورٹی فورس (بی ایس ایف) نے ہفتہ کے روز جموں و کشمیر کے کٹھوعہ ضلع میں اسلحہ سے لیس ایک پاکستانی ڈرون کو مار گرایا ہے۔ پولس ذرائع نے اس سلسلے میں بتایا کہ ہفتہ کی صبح تقریباً 5.10 بجے بی ایس ایف کے جوانوں نے کٹھوعہ ضلع میں بین الاقوامی سرحد پر پنیسر چوکی پر ایک پاکستانی ڈرون دیکھا تھا۔

مارے گئے ڈرون کی جانچ کرنے پر ایک امریکہ میں بنی ایس-4 رائفل، دو میگزین، 60 راؤنڈ گولہ بارود اور سات گرینیڈ پائے گئے۔ پولس نے کہا کہ "اسلحوں کی یہ کھیپ کسی 'علی بابا' کے لیے تھی کیونکہ پے لوڈ میں یہی نام تھا۔" بلیڈ سے بلیڈ تک اس ڈرون کی چوڑائی 8 فیٹ تھی۔ پولس کا کہنا ہے کہ "ایسا لگتا ہے کہ ہماری پنیسر سرحدی چوکی کے سامنے کی پاکستانی چوکی اس ڈرون کو کنٹرول کر رہی تھی۔"