کیا سابق فٹبال کپتان بھوٹیا بی جے پی میں شامل ہوں گے؟

ہندوستانی فٹبال ٹیم کے سابق کپتان بیچونگ بھوٹیا نے ترنمول کانگریس سے اپنے رشتے ختم کرتے ہوئے سیاست کو الوداع کہہ دیا ہے لیکن خبریں ہیں کہ وہ سیاست کو الوداع نہیں کہہ رہے بلکہ وہ صرف ترنمول کانگریس سے علیحدگی اختیار کر رہے ہیں ۔ بھوٹیا نے ترنمول کانگریس سے استعفی دیتے ہوئے کہا ہے کہ اب ان کا کسی بھی ہندوستانی سیاسی پارٹی سے کوئی تعلق نہیں ہے ۔

واضح رہے بھوٹیا نے فٹبال کو سال 2011 میں الوداع کہنے کے بعد سال 2013 میں ترنمول کانگریس میں شمولیت اختیار کر لی تھی ۔ بھوٹیا نے سال 2013میں دارجیلنگ سے بی جے پی کے ایس ایس اہلووالیہ کے خلاف چناؤ لڑا تھا جو کہ وہ ہار گئے تھے۔

2016کے اسمبلی انتخابات میں وہ سی پی ایم کے اشوک بھٹہ چاریہ کے خلاف سلی گڑی سے چناؤ لڑے تھے لیکن وہ بھی ہار گئے تھے۔ پدم شری پانے والے بھوٹیا کا تعلق سکم سے ہے اور فٹبال کی وجہ سے وہ بہت مقبول ہیں۔ انہوں نے حال ہی میں علیحدہ گورکھا لینڈ کی حمایت کا اعلان کیا تھا جو ترنمول کانگریس کے نظریہ کے خلاف ہے۔ خبرے یہ بھی ہے کہ وہ بی جے پی میں شامل ہو سکتے ہیں۔