اکھلیش کی’بجلی‘کے بعد کانگریس کی’روزگار رجسٹریشن مہم‘

اترپردیش اسمبلی انتخابات کےپیش نظر سماج وادی پارٹی(ایس پی)کی جانب سے 300یونٹ مفت بجلی کی سہولیت سے استفادے کے لئے بجلی صارفین سے فارم بھرائے جانے کے اعلان کے بعد اترپردیش کانگریس نے ہفتہ کو بے روزگار وں سے فارم بھرانے اور انہیں روزگار رجسٹریشن نمبر فراہم کے ساتھ’اسپیک اپ‘مہم منانے کا کا اعلان کیا ہے۔

کانگریس کی جانب سے جاری بھرتی ودھان کے وعدوں اور ایکشن پلان پر منعقد پریس کانفرنس سے خطاب کرتے ہوئے نسیم الدین صدیقی نے بتایا کہ اتوار کو سبھاش چندر بوس کی جینتی پر کانگریس ’اسپیک اپ‘ مہم کے ساتھ جگہ جگہ اسٹال لگا کر بے روزگار نوجوانوں سے فارم بھرانے کی مہم چلائے گی۔این ایس یو آئی کے عہدوداروں کے ذریعہ فارم بھرنے والے بے روزگاروں کو روزگار اندراج نمبر فراہم کیا جائے گا جبکہ ’اسپیک اپ‘ کے تحت بے روزگار نوجوان فیس بک اور ٹوئٹر پر یو اودھان پر اپنے اعتماد اور گذشتہ حکومتوں کے ذریعہ ٹھگے جانے کے تجربات شئیر کریں گے۔

یوپی کانگریس کے میڈیا چیئرمین نسیم الدین صدیقی نے کانگریس کے اقتدار میں آنے پر خواتین کے لئے 8لاکھ سرکاری نوکریاں ریزرو ہونے کا دعوی کرتے ہوئے کہا کہ کانگریس کا ودھان یوپی کے 7کروڑ امیدوں و توقعات کا دستاویز ہے۔ کانگریس کی حکومت بننے پر سرکاری نوکریوں کی گارنٹی ہوگی۔

یوگی حکومت کے میعاد کار میں 12مقابلہ جاتی امتحانات کے منسوخ ہونے کا ذکر کرتے ہوئے کہا کہ ریاست میں نوکریاں بہت ہیں کا دعوی کرنے والے وزیر اعلی یوگی کے اقتدار میں نوجوانوں کو تقرریوں کے لئے جدوجہد کرنی پڑرہی ہے۔نوجوان گرمی، بارش اور سردی کی مار جھیلنے کو مجبور ہیں۔انہوں نے کہا کہ ریاست کا ہر نوجوان اہلیت کا حامل ہے لیکن یوگی حکومت ان کے لئے مواقع نہیں پیدا کرسکی۔
وہیں ریاستی صدر اجئے کمار للو نے ریاست کے نظم ونسق پر سوال کھڑے کرتے ہوئے کہا کہ اس حکومت میں مجرمین کا پولیس پر دبدبہ قائم ہے اور پولیس کو فرار ہونا پڑرہا ہے۔مجرمین کو بڑھاوا دے کر اس حکومت نے کئی بار ریاست کے پولیس کی حوصلہ شکنی کی ہے۔یوگی حکومت میں خوف، بھوک اور بدعنوانی ریاست کی پہچان بن گئی ہے۔

مافیا کے اندر قانون کا خوف اور ان کے ریاست سے انتقال کرنے کے یوگی کے دعوی کو بے بنیاد بتاتے ہوئے للو نے کہا کہ زمینی حقیقت یہ ہے کہ اس حکومت میں دبنگوں اور مافیاؤں سے لوگ پریشان ہیں۔ریاست کے موسٹ وانٹیڈ اور معطل آئی پی ایس افسر منی لال پاٹیدار ابھی تک فرار ہیں۔جونپور میں پولیس ٹیم پر دبنگوں کا حملہ اور یوگی کے آبائی ضلع گورکھپور میں کانپوری کاروبار کا بہیمانہ قتل اس کے جیتا جاگتا ثبوت ہیں۔