بہار میں نافذ شراب بندی پر نظر ثانی کی ضرورت : کانگریس

کانگریس لیڈر اجیت شرما نے حزب اقتدار جنتادل یو کی حلیف جماعت بھارتیہ جنتا پارٹی ( بی جے پی ) کے ریاستی صدر کے شراب بندی پر نظر ثانی کے بیان کی حمایت کرتے ہوئے بلاتاخیر قدم اٹھانے کی درخواست کی ہے ۔

مسٹرشرما نے پریس کانفرنس کے دوران کہا کہ انہوں نے کئی مرتبہ کہاہے کہ ریاست میں نافذ شراب بندی پر نظر ثانی کی جانی چاہئے اور ان کی حلیف بی جے پی کے ریاستی صدر سنجے جیسوال بھی اس کے نظرثانی کی بات کہہ رہے ہیں جس کے وہ بھی حامی ہیں۔

کانگریس لیڈر نے کہاکہ ریاست میں شراب بندی مکمل طور پر نافذ نہیں ہے کیونکہ حکومت کے بڑے افسران کی شراب کے دھندے بازوں اور شراب مافیاﺅں کے ساتھ ساز باز ہے اور وہ افسر نہیں چاہتے ہیں کہ شراب بندی نافذ ہو ۔

وزیراعلیٰ نتیش کمار کے آبائی ضلع نالندہ میں ہوئے واقعہ کے ذریعہ ان کے افسران نے وزیراعلیٰ کو آئینہ دکھانے کاکام کیاہے کہ شراب بندی نافذ نہیں ہوسکتی ہے ۔ اس لئے جب تک بڑے افسران پر کاروائی نہیں ہوگی ، تب تک شراب بندی کی خلاف ورزی ہوتی رہے گی ۔

مسٹر شرما نے کہاکہ ایوان سے باہر تک وزیراعلیٰ اور ہم لوگ ( اپوزیشن جماعت ) چاہتے ہیں کہ شراب بندی کیسے کامیا ب ہو ۔ لیکن ان کے بڑے افسران ایسا نہیں چاہتے ہیں۔ انہوں نے کہاکہ ” میں شروع سے ہی اس کا حامی ہوں کہ شراب بندی ہو تو مکمل ہو اور غیر قانونی شراب کی فروخت نہیں ہو پائے ۔“
کانگریس لیڈر نے کہاکہ اس سنجیدہ معاملے پر وزیراعلیٰ کو جلد قدم اٹھانے کی ضرورت ہے ۔ تاکہ آئے دن ریاست میں ہورہے نالندہ جیسے واقع پر روک لگ سکے ۔