گزشتہ 24 گھنٹوں میں پھر 39 ہزار سے زیادہ کورونا کیسز رپورٹ، 491 افراد کی موت

نئی دہلی: ہندوستان میں گزشتہ 24 گھنٹوں کے دوران کورونا وائرس انفیکشن کے 39070 نئے معاملے درج کئے گئے ہیں۔ اس کے ساتھ ہی کورونا کیسز کی مجموعی تعداد بڑھ کر 31934455 ہو گئی۔ گزشتہ 24 گھنٹوں کے دوران 43910 مریضوں نے شفایابی حاصل کر لی۔ اب تک ملک بھر کے کل 3 کروڑ 10 لاکھ 99 ہزار 771 لوگ اس بیماری کو مات دے چکے ہیں۔ گزشتہ 24 گھنٹوں کے دوران 491 افراد لقمہ اجل بن گئے۔

اس وبا سے صحت یاب ہونے والے لوگوں کی تعداد زیادہ ہونے کی وجہ سے صحت یاب ہونے کی شرح متاثرہ افراد کی تعداد سے زیادہ ہے۔ اور یہ شرح 97.39 فیصد تک پہنچ گئی ہے۔ ملک میں ایکٹیوکیسز کی شرح گھٹ کر 1.27 فیصد ، شفا یابی کی شرح 97.39 فیصد اور اموات کی شرح 1.34 فیصد ہو گئی ہے۔

ملک بھر میں اب تک کورونا کے کل 48 کروڑ نمونوں کی جانچ کی جا چکی ہے۔ کورونا وائرس کی وبا کے خلاف قومی ٹیکہ کاری مہم کے تحت اب تک کل 50.68 کروڑ ویکسین کی خوراکیں دی جا چکی ہیں۔ ان میں سے کچھ کو سنگل جبکہ کچھ کو ڈبل ڈوز دی گئی ہے۔دنیا بھر میں کورونا وائرس کے 20 کروڑ سے زیادہ کیسز درج کئے جا چکے ہیں۔ ان میں سے 42.99 لاکھ افراد کی موت واقع ہو چکی ہے۔ ہندوستان اب تک 3.19 کروڑ افراد اس بیماری کی زد میں آئے ہیں اور مجموعی طور پر 4.27 لاکھ افراد اس کے سبب فوت ہو چکے ہیں۔