عالمی کپ: سیمی فائنل کا ٹکٹ کٹوانے اترے گی ٹیم انڈیا

برمنگھم: آئی سی سی ورلڈ کپ میں ابھی تک ناقابل شکست رہنے والی وراٹ کوہلی کی ہندستانی کرکٹ ٹیم اتوار کو میزبان انگلینڈ کے خلاف اپنی نئی آرینج جرسی میں جیت کی مہم کو آگے بڑھاتے ہوئے سیمی فائنل کا ٹکٹ کٹوانے کیلئے اترے گی۔

ہندستانی ٹیم کی باقاعدہ جرسی نیلے رنگ کی ہے اور اسے ٹیم بلیو بھی کہا جاتا ہے لیکن ایجبسٹن میدان پر ہونے والے اہم مقابلے میں ٹیم انڈیا اپنی نئی زعفرانی رنگ کی جرسی پہن کر اترے گی۔ پہلے سے ہی تنازعات میں گھری اس نئی جرسی کو دیکھنے کے لئے بھی شائقین میں بھاری جوش ہے، لیکن وراٹ اینڈ کمپنی کی نگاہیں ہر حال میں جیت درج کر سیمی فائنل میں جگہ پکی کرنے کی ہوں گی۔

ٹیم انڈیا فی الحال ٹیبل میں چھ میچوں میں پانچ جیت اور ایک میچ منسوخ رہنے کی وجہ سے 11 پوائنٹ لے کر ٹیبل میں دوسرے نمبر پر ہے جبکہ سرفہرست ٹیم آسٹریلیا پہلے ہی آخری چار میں جگہ پکی کر چکی ہے۔ وہیں اپنی ریٹرو لک کی نیلے رنگ کی جرسی پہن کر اترنے والی میزبان 'ٹیم بلیو' کے لیے بھی یہ سیمی فائنل کا دعوی مضبوط کرنے کے لحاظ سے اہم مقابلہ ہوگا جو ابھی ٹیبل میں سات میچوں میں آٹھ پوائنٹس کے ساتھ چوتھے نمبر پر آ گئی ہے۔

انگلینڈ کے لیے ابھی باقی دونوں میچوں میں کرو یا مرو جیسی صورتحال ہو گئی ہے کیونکہ باقی تین سیمی فائنل پائيدانو ں پر ہندستان اور نیوزی لینڈ کے علاوہ اس کو پاکستان اور بنگلہ دیش سے سخت مقابلہ مل رہا ہے جو اب یکساں 7-7 پوائنٹ کے ساتھ پانچویں اور چھٹے نمبر پر ہیں ۔

ہندستان نے ویسٹ انڈیز کے خلاف اپنا پچھلا میچ یکطرفہ انداز میں 125 رنز سے جیتا تھا جبکہ ٹورنامنٹ میں خطاب کی دعویدار کے طور شروعات کرنے والی انگلینڈ کا ابھی تک سفر اتار چڑھاو بھرا رہا ہےاور گزشتہ دو میچوں میں اسے سری لنکا سے 20 رنز سے اور آسٹریلیا سے 64 رنز سے ہار کھاانی پڑی تھی جس سے وہ نہ صرف دباؤ میں آ گئی ہے بلکہ اس نے اسے ٹورنامنٹ کی دوڑ سے باہر ہونے کے دہانے پر پہنچا دیا ہے۔

اپنے گھریلو میدان پر ہو رہے ورلڈ کپ میں دنیا کی نمبر ایک ون ڈے ٹیم کے طور پر آغاز کرنے والی انگلینڈ پہلے ہی ہندستان سے درجہ بندی میں نمبر ایک مقام گنوا چکی ہے۔ دوسری طرف اعتماد سے لبریز ٹیم انڈیا ایجبسٹن میں بھی بلند حوصلے کے ساتھ اترے گی اور ہر حال میں جیت درج کر کے سیمی فائنل میں اپنی جگہ پکی کر راحت کی سانس لینا چاہے گی۔

ہندستانی ٹیم نے تقریبا تمام میچوں میں آل راؤنڈ کھیل کا مظاہرہ کیا ہے اور مضبوط بلے بازی آرڈر کے ساتھ فاسٹ بولر اس کی سب سے بڑی طاقت ہیں۔ ٹیم کے پاس کپتان وراٹ کے طور پر اسٹار اسکورر ہے جبکہ مڈل آرڈر میں مہندر سنگھ دھونی جیسا بہترین فنشر اس کی طاقت ہیں۔ دھونی کی ناقابل شکست 56 رنز اور آل راؤنڈر ہردک پانڈیا کی 46 رنز کی طوفانی اننگز کی بدولت ہی ونڈيز کے خلاف ہندستان نے 180 رن پر پانچ وکٹ کی نازک صورت حال سے نکلتے ہوئے 268 رن کا مضبوط اسکور بنایا تھا۔

اگرچہ بلے بازی میں بہتری کی ضرورت ہے کیونکہ بہت سے موقعوں پر وراٹ اور روہت شرما پر انحصار زیادہ نظر آتی ہے جو ٹیم کے دو سرفہرست اسکورر بھی ہیں۔ آل راؤنڈر وجے شنکر اب تک متاثر نہیں کر سکے ہیں اور مڈل آرڈر میں ان کی اور کیدار جادھو کی موجودگی سمجھ سے باہر ہے جبکہ مڈل آرڈر میں آل راؤنڈر رویندر جڈیجہ اور دنیش کارتک بہتر انتخاب ہو سکتے ہیں۔

ٹیم انڈیا کی گیند بازی اگرچہ اس کی سب سے بڑی طاقت ثابت ہو رہی ہے، خاص طور پر تیز گیندبازوں نے ابھی تک سب سے زیادہ متاثر کیا ہے اور میچ فاتح ثابت ہوئے ہیں۔ ونڈيز کے خلاف گزشتہ میچ میں تجربہ کار فاسٹ بولر محمد سمیع ہیٹ ٹرک سمیت چار وکٹ لے کر سب سے کامیاب ثابت ہوئے تھے، زخمی بھونیشور کمار کی غیر موجودگی میں سمیع کا اہم کردار رہا تھا۔

سمیع اب تک دو ہی میچوں میں آٹھ وکٹ حاصل کر چکے ہیں۔ ان کی موجودہ کارکردگی نے بھی ٹیم مینجمنٹ اور کپتان وراٹ کیلئے ان کے اور بھونیشور کے درمیان انتخاب کو لے کر مشکل پیدا کر دی ہے جو تقریبا فٹ ہوکرواپسی کے انتظار میں ہیں ۔ بھونیشور نے تین میچوں میں پانچ وکٹ لئے ہیں۔ دیگر فاسٹ بولر اور ڈیتھ اووروں کے ماہر جسپريت بمراه نے پانچ میچوں میں نو وکٹ نکالے ہیں۔ اس کے علاوہ تیز بولنگ آل راؤنڈر ہردک نے پانچ وکٹ لئے ہیں۔ اسپنروں میں يجویندر چہل پانچ میچوں میں 10 وکٹ لے کر سب سے کامیاب ہیں۔

دوسری طرف پہلے خطاب کی تلاش میں مصروف مورگن کی ٹیم کیلئے مسلسل دو الٹ پھیر کے بعد نمبر ایک ہندستانی ٹیم کو ہرانا کسی لٹمس ٹیسٹ سے کم نہیں ہوگا۔ تنقید کا شکار انگلش ٹیم اپنی گھریلو پچوں پر جدوجہد کرتی نظر آرہی ہے۔ آسٹریلوی اوپنر جیسن رائے کے ہیمسٹرنگ چوٹ کی وجہ سے باہر ہونے سے بھی اسے نقصان ہوا ہے، ان کی جگہ آئے جیمز ونس صفر پر ہی آؤٹ ہو گئے۔
ٹیم کے کھلاڑیوں کی انجری بھی اس کے لیے مسئلہ بن رہی ہیں اور فاسٹ بولر جوفرا آرچر کو اگلے جبکہ لیگ اسپنر عادل راشد کو کندھے میں چوٹ ہے۔ ٹیم کو بلے بازی میں جانی بيرسٹو، بین اسٹوکس، مورگن اور جوس بٹلر سے بہتر اسکور کی توقع رہے گی جبکہ گیند بازوں کو کفایتی کارکردگی پر توجہ دینا هوگی۔ راشد، مارک ووڈ، کرس ووکس اور معین علی پر ہندستانی بلے بازوں کو کنٹرول کر بڑا اسکور بنانے سے روکنے کی ذمہ داری رہے گی۔