’میں کوئی دہشت گرد نہیں ہوں‘ وزیر اعظم کے دورے کے سبب ان کے ہیلی کاپٹر کی پرواز روکے جانے پر چنی کا بیان

چنڈی گڑھ: پنجاب کے وزیر اعلیٰ چرنجیت سنگھ چنی نے پیر کے روز الزام عائد کیا کہ انہیں آج کانگریس کے لیڈر راہل گاندھی کے جلسہ عام سے محروم ہونا پڑا کیونکہ وزیر اعلیٰ نریندر مودی کے دورے کے سبب ان کے ہیلی کاپٹر کو پرواز کی اجازت نہیں دی گئی۔ وزیر اعلیٰ نے غصہ میں کہا، ’’چرنجیت سنگھ چنی وزیر اعلیٰ ہے، وہ دہشت گرد نہیں ہے جو آپ اسے ہوشیارپور کے لئے پرواز کرنے سے روک رہے ہیں۔ یہ کوئی طریقہ نہیں ہے۔‘‘

رپورت کے مطابق وزیر اعلیٰ نے اپنے ہیلی کاپٹر کو پرواز کے لئے منظور حاصل ہونے کے لئے تقریباً ایک گھنٹے تک انتظار کرنا پڑا کیونکہ وزیر اعظم کے جالندھر دورے کے سبب علاقہ کو ’نو فلائی‘ زون قرار دیا گیا تھا۔ چنی کو راہل گاندھی کے ہوشیارپور میں منعقدہ جلدہ عام میں شرکت کے لئے چنڈی گڑھ سے پرواز بھرنی تھی لیکن آخر کار انہیں ہیلی پیڈ سے ہی واپس لوٹ جانا پڑا۔

خبر رساں ایجنسی اے این آئی کے وزیر اعلیٰ چنی کے حوالہ سے کہا، ’’میں صبح 11 بجے اونا میں تھا لیکن وزیر اعظم مودی کی نقل و حرکت کے سبب اچانکت پرواز کی اجازت نہیں دی گئی۔ میں ہوشیارپور میں راہل گاندھی کی ریلی میں شرکت نہیں کر سکا کیونکہ میرے پاس لینڈنگ کی اجازت نہیں تھی۔‘‘

اس معاملہ پر پنجاب کے سینئر لیڈر سنیل جاکھڑ نے کہا، ’’وزیر اعلیٰ کو یہاں آنا تھا یہ شرمناک ہے کہ حکومت نے چرنجیت سنگھ چنی کے ہیلی کاپٹر سے ہوشیارپور آنے کی اجازت منسوخ کر دی گئی۔ اگر الیکشن کمیشن اس پر نوٹس نہیں لیتا تو میں سمجھوں گا کہ انتخابات تماشہ ہیں، دکھاوا ہے۔‘‘