بارش نے تباہی مچا دی، لوگوں کا ہوا بھاری نقصان

ملک کے کئی حصوں میں زبردست بارش ہو رہی ہے جسکی وجہ سے وہاں کا نظام زندگی درہم برہم ہو کر رہ گیاہے ۔ پہاڑی علاقوں سے لے کر میدانی علاقوں تک کئی مقامات پر بارش سے ہونے والے نقصان کی تصویریں سامنے آ رہی ہیں۔ اتراکھنڈ کے مسوری میں بارش کی وجہ سے دو پہیہ گاڑیاں بہہ کر دیکھی گئیں۔ مسوری کے ایک علاقے میں سیلاب میں بائک اور اسکوٹی سمیت تین دو پہیہ گاڑیاں بہہ گئیں۔ لوگوں نے اپنی گاڑیوں کو بچانے کی بھرپور کوشش کی لیکن ناکام رہے۔

ایک بہادر خاتون کی بات بھی سامنے آئی ہے جس نے دو بچوں کو سیلاب کی زد سے بچا لیا ۔ اس ماں نے انہیں سیڑھیوں پر لے جا کر بچا لیا۔ اس کے ساتھ ہی محکمہ موسمیات نے گجرات اور راجستھان کے سات اضلاع میں اورنج الرٹ جاری کیا ہے۔

نیوز پورٹل ’اے بی پی ‘ پر شائع خبر کے مطابق بارش کی وجہ سے دہرادون پانی میں ڈوبا نظر آنے لگا۔ کئی سڑکیں پانی میں ڈوب گئیں۔ اتراکھنڈ کے کئی علاقوں میں بارشوں میں پل بہہ جانے کی وجہ سے لوگوں کو آنے جانے میں کافی پریشانی کا سامنا کرنا پڑ رہا ہے۔ چمولی میں لوگوں نے مزدوری دے کر متبادل پل بنایا ہے جس کی وجہ سے کسی نہ کسی طرح کام جاری ہے۔ یہاں کے 45 خاندانوں پر مشتمل گاؤں کئی سالوں سے حکومت سے مستقل پل بنانے کا مطالبہ کر رہے ہیں۔

محکمہ موسمیات نے گجرات کے چار اضلاع میں آج اورنج الرٹ جاری کر دیا ہے۔ مہسانہ اور پٹن میں بارش کی وجہ سے لوگوں کا برا حال ہے۔ مزید بارشوں کی وجہ سے لوگ نقصان برداشت کرنے کی پوزیشن میں نہیں ہیں۔ مہسانہ میں نکاسی کے ناقص نظام کی وجہ سے سڑکیں تین فٹ تک بھر گئیں۔ یہاں رادھن پور اسپتال کے باہر پانی جمع ہونے کی وجہ سے لوگوں کو کافی پریشانیوں کا سامنا ہے۔ پٹن کی سبزی منڈی میں پانی بھر گیا ہے۔ یہی نہیں یہاں دو روز قبل شروع ہونے والے نئے انڈر پاس میں پانی بھر جانے سے ٹریفک ٹھپ ہو کر رہ گیا ہے۔ پانی بھرنے کی وجہ سے لوگ ٹریکٹر پر بیٹھ کر سڑک پار کرتے نظر آئے۔ محکمہ موسمیات نے گجرات کے کچ، بناسکانتھا، پٹن، ولساڈ میں 24 گھنٹوں میں تیز بارش کی وارننگ دی ہے۔

راجستھان میں بھی لوگوں کو آسمانی آفت کا سامنا ہے۔ ٹونک سمیت کچھ اضلاع میں سیلاب آیا ہے۔ بنڈی میں ڈیم پھٹنے پر گیٹ کھولنا پڑا جس کی وجہ سے آمدورفت ہوئی۔ بعض مقامات پر امدادی ٹیمیں لوگوں کو سیلاب سے بچانے میں مصروف ہیں۔ یہاں ایک کسان کی موت پانی میں بہنے سے بتائی جا رہی ہے جس کے بعد انتظامیہ چوکنا ہو گئی ہے۔ بارش کی وجہ سے پنک سٹی جے پور میں گاڑیاں پانی میں نظر آئیں، پھر ٹونک میں ایک ٹریکٹر پانی میں الٹ گیا۔ راجستھان کے تین اضلاع ادے پور، ڈنگر پور، جھالاواڑ میں اورنج الرٹ جاری کیا گیا ہے۔