سابق وزیر اعلیٰ ہیمنت سورین کی عرضداشت پر سپریم کورٹ میں پیر کو سماعت
اپنی عرضداشت میں سورین نے جھارکھنڈ ہائی کورٹ کے اس فیصلے کو چیلنج کیا ہے جس ہائی کورٹ نے ان کی گرفتاری کے خلاف عرضداشت کو مسترد کر دیا تھا۔
ہیمنت سورین / تصویر: آئی اے این ایس
جھارکھنڈ کے سابق وزیر اعلیٰ ہیمنت سورین کی عرضداشت پر پیر (13 مئی) کو سپریم کورٹ میں سماعت ہوگی۔ اس عرضداشت کے ذریعے سورین نے جھارکھنڈ ہائی کورٹ کے اس فیصلے کو چیلنج کیا ہے جس میں ہائی کورٹ نے رانچی میں مبینہ زمین گھوٹالہ سے متعلق منی لانڈرنگ کیس میں ان کی گرفتاری کے خلاف عرضداشت کو مسترد کر دیا تھا۔
سپریم کورٹ کی ویب سائٹ پر شائع فہرست کے مطابق جسٹس سنجیو کھنہ اور جسٹس دیپانکر دتہ کی بنچ 13 مئی کو ہیمنت سوریین کے کیس کی سماعت کرے گی۔ واضح رہے کہ اسی بنچ نے دہلی آبکاری پالیسی میں بدعنوانی کے الزام میں دہلی کے وزیر اعلی اروند کیجریوال کو یکم جون تک عبوری ضمانت پر رہا کرنے کا حکم دیا تھا۔
سپریم کورٹ نے جمعہ کو سورین کی طرف سے دائر ایک دیگر درخواست پر سماعت مکمل کی تھی جس میں انتخابات کے پیش نظر ان کی رہائی کا مطالبہ کیا گیا تھا۔ اس میں کہا گیا ہے کہ 3 مئی کو گرفتاری کے خلاف جھارکھنڈ ہائی کورٹ کے ذریعے ان کی عرضداشت خارج کرنے کے حکم کے پیشِ نظر جھارکھنڈ مکتی مورچہ (جے ایم ایم) کے لیڈر کی درخواست کی کوئی اہمیت نہیں رہ گئی ہے۔
ہیمنت سورین نے 31 جنوری کو منی لانڈرنگ کی روک تھام کے قانون (پی ایم ایل اے) کے تحت ای ڈی کے ذریعہ گرفتار ہونے کے بعد وزیر اعلی کے عہدے سے استعفیٰ دے دیا تھا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔