کرناٹک LIVE:حلف کے بعد کمارسوامی نے کسانوں کا قرض معاف کرنے کا اعلان کیا 

کرناٹک کے وزیر اعلی کے عہدہ کا حلف لینے کے بعد صحافیوں سے خطاب کرتے ہوئے کمارسوامی نے کسانوں کا قرض معاف کرنے کا اعلان کیا۔ اس سے قبل حلف برداری کی تقریب میں پورا حزب اختلاف جمع ہوا اور اپنی طاقت کا مظاہرہ کیا۔

ایچ ڈی کماراسوامی نے وزیر اعلیٰ عہدے کا حلف لے لیا ہے۔ ان کے ساتھ کانگریس کے جی پرمیشور نے نائب وزیر اعلیٰ کا حلف لیا۔ دونوں کو کارناٹک کے گورنر وجو بھائی والا نے حلف دلوایا۔

حلف لینے کے بعد کرناڑک کے وزیر اعلی کماراسوامی گورنر وجو بھائی والا کے ساتھ

حلف برداری تقریب کے دوران اپوزیشن کے رہنماؤں نے ایک ساتھ آکر طاقت کا مظاہرہ کیا۔

مندرجہ ذیل لنک پر کلک کر کے آپ کماراسوامی کی حلف برداری تقریب کو لائیو دیکھ سکتے ہیں:

کماراسوامی کی حلف برداری تقریب میں اکھلیش یادو اور مایاوتی ایک ساتھ نظر آ رہے ہیں۔ کبھی ایک دوسرے کے سخت مخالف رہے ایس پی اور بی ایس پی کے ان دونوں رہنماؤں نے اب اتحاد کر لیا ہے۔ انہیں یو پی یں بوا اور ببوا کہا جاتا ہے۔

کماراوامی کارناٹک کے وزیر اعلیٰ کے طور پر حلف لینے والے ہیں، اس سے قبل ہی کرناٹک کے وزیر اعلی کے آفیشل ٹوئٹر ہینڈل نے انہیں ٹوئٹر کئے ہیں۔ ٹوئٹ میں کماراسوامی کو وزیر اعلیٰ کے طور پر دکھایا گیا ہے۔

جے ڈی ایس کے رہنما کماراسوامی کچھ ہی دیر میں کرناٹک کے وزیر اعلیٰ کے طور پر حلف لیں گے۔ قبل ازیں وہ میسور کے چامنڈیشوری مندر میں پوجا کے لئے پہنچے تھے جہاں سے وہ اب بنگلورو لوٹ آئے ہیں۔

کماراسوامی کی حلف برداری تقریب سے قبل یو پی اے کی چیئر پرسن سونیا گاندھی اور کانگریس کے صدر راہل گاندھی نے بنگلورو میں نو منتخب ارکان اسمبلی سے خطاب کیا۔

یو پی اے چیئر پرسن سونیا گاندھی اور کانگریس کے صدر راہل گاندھی ایچ ڈی کماراسوامی کی حلف برداری تقریب میں شرکت کے لئے بنگلورو پہنچ گئے ہیں۔ کانگریس اور جے ڈی ایس کے متعدد رہنماؤں نے ان کا استقبال کیا۔

بنگلورو میں کماراسوامی کی حلف برداری تقریب میں شرکت کرنے پہنچے دہی کے وزیر اعلی اروند کیجریوال، اندھرا پردیش کے وزیر اعلی چندرا بابو نائیڈو اور سی پی آئی ایم کے جنرل سکریٹری سیتا رام یچوری نے ملاقات کی۔

ایچ ڈی کماراسوامی کے حلف لینے سے کچھ دیر پہلے بنگلورو کے کئی علاقوں میں بھری بارش کی اطلاع ہے۔

کوئی ناراضگی نہیں، ہم سب ساتھ ہیں: ڈی شیو کمار

بنگلورو میں میڈیا سے گفتگو کرتے ہوئے کانگریس کے رہنما ڈی کے شیو کمار نے کہا، ’’ہمارے بیچ کوئی ناراضگی نہیں ہے، ہم سب ایک ہیں۔ ہم خوشی منا رہے ہیں کہ ہماری حکومت بننے جا رہی ہے۔ میں نے کبھی نہیں سوچا تھا کہ میں کرناٹک کے وزیر اعلی عہدے کا امیدوار ہوں۔‘‘ واضح رہے کہ میڈیا میں ڈی شیو کمار کے نائب وزیر اعلیٰ بنائے جانے پر خبریں چل رہی تھیں، وہ اسی کی وضاحت پیش کر رہے تھے۔

بطور وزیر اعلیٰ ایچ ڈی کماراسوامی کی حلف برداری 4.30 بجے ہونی ہے اور اس کے لیے کئی ریاستوں کے وزرائے اعلیٰ اور اہم لیڈران بنگلورو پہنچ چکے ہیں۔ دہلی کے وزیر اعلیٰ اروند کیجریوال، آندرا پردیش کے وزیر اعلیٰ چندرا بابو نائیڈو اور سی پی آئی (ایم) لیڈر سیتا رام یچوری کو حلف برداری سے قبل آپس میں بیٹھ کر بات چیت کرتے ہوئے دیکھا گیا۔

کرناٹک میں 4.30 بجے ایچ ڈی کماراسوامی وزیر اعلیٰ کے طور پر حلف لیں گے۔ حلف برداری تقریب میں دیگر ریاستوں کے رہنماؤں کے پہنچے کا سلسلہ جاری ہے۔ سیتا رام یچوری، شرد پوان اور اکھلیش یادو بنگلورو پہنچ چکے ہیں۔ اس سے قبل ممتا بنرجی، مایاوتی اور چندرا بابو نائیڈو بھی بنگلورو پہنچ چکے ہیں۔

کرناٹک میں جے کانگریس-جے ڈی ایس حکومت کے وزیراعلیٰ اور نائب وزیر اعلیٰ کی حلف برداری تقریب کے لئے اپوزیشن رہنماؤں کے پہنچے کا سلسلہ شروع ہو گیا ہے۔ آندھرا پردیش کے وزیر اعلیٰ چندرا بابو نائیڈو بنگلورو پہنچ چکے ہیں، اس کے علاوہ تیجسوی یادو، مایاوتی اور ممتا بنرجی بھی اس وقت بنگلورو میں موجود ہیں۔

کماراسوامی کی حلف برداری تقریب میں شرکت کے لئے بنگورو پہنچے چندرا بابو نائیڈو اور ممتا بنرجی نے میڈیا سے گفتگو کے دوران کہا، ’’قومی مفاد کی حفاظت کے لئے مستقبل میں ہم متحد ہو کر کام کریں گے۔‘‘

کرناٹک کے سابق وزیر اعلیٰ سدا رمیا نے ٹوئٹ کر کے کماراسوامی اور جی پرمیشور کو مبارکباد دی ہے۔

کرناٹک میں فلور ٹیسٹ جمعہ کو ہوگا، پہلے اسے جمعرات کو کرائے جانے کی خبریں تھیں۔ اسپیکر کے لئے نامزدگی کا عمل کل پورا ہوگا۔ کانگریس کے رمیش کمار اگلے اسپیکر ہوں گے جبکہ ڈپٹی اسپیکر کی پوسٹ جے ڈی اس کے کھاتہ میں جائے گی۔

میڈیا سے بات کرتے ہوئے ایچ ڈی کماراسوامی نے کہا کہ انتخابی منشور میں عوام سے جو وعدے کئے گئے تھے انہیں نافذ کیا جائے گا۔ انہوں نے کہا کہ کسانوں کے مفاد کی حفاظت کرنا ہماری اولین ترجیح ہوگی۔

نئی سیاسی جماعت مکّل نیدی میئم کے سربراہ اور اداکار کمل ہاسن بھی کماراسوامی کی حلف برداری تقریب میں شرکت کریں گے۔ کمل ہاسن نے آج توتی کورم میں اس کاپر پلانٹ کا دورہ کیا جہاں کل مظاہرہ ہوا تھا اور فائرن کے سبب 11 افراد کی جان چلی گئی تھی۔ کمل ہاسن وہاں کا دورہ کرنے کے بعد بنگلورو کے لئے روانہ ہوں گے۔

خبروں کے مطابق توتی کورم تشدد کی وجہ سے ڈی ایم کے کارگزار صدر ایم کے اسٹالن شامل نہیں ہوں گے۔

کرناٹک اسمبلی میں ہونے جاری کماراسوامی کی حلف برداری تقریب کی ترتیب جاری ہو گئی ہے۔ شام 4.20 بجے گورنر اسمبلی میں پہنچیں گے اور 4.30 بجے کماراسوامی حلف لے لیں گے۔

کل ہوئے توتیکورن واقعہ کی وجہ سے ڈی ایم کے کے رہنما ایم کے اسٹالن آج بنگلورو میں منعقد کماراسوامی کی حلف برداری کی تقریب میں شرکت نہیں کریں گے۔ اس واقعہ میں 11 اموات ہوئی ہیں۔

ایچ ڈی کماراسوامی کے حلف لینے سے قبل ان کے گھر کے باہر جشن کا ماحول ہے۔ بھاری تعداد میں جے ڈی ایس کارکنان ان کی رہائش گاہ کے باہر جمع ہو گئے ہیں۔

کانگریس کے رہنما جی پرمیشور نے میڈیا سے بات کرتے ہوئے انہیں نائب وزیر اعلیٰ کا عہدہ دئیے جانے پر کانگریس کی اعلیٰ کمان کا شکریہ ادا کیا۔ ڈی کے شیو کمار اور روشن بیگ کے نائب وزیر اعلی عہدے پر دعویداری کے سوال پر انہوں نے کہا کہ انہیں کانگریس کی اعلیٰ کمان نے چنا ہے حالانکہ وہ دنوں رہنما بھی قابل ہیں۔

ایک طرف کماراسوامی کی حلف برداری کی تیاریاں مکمل ہو چکی ہیں دوسری طرف بی جے بری طرح ناراض ہے۔ جے ڈی ایس-کانگریس کی حکومت سازی کو بی جے پی نے مینڈیٹ کے ساتھ دھوکہ قرار دیا ہے اور ’مینڈیٹ مخالف دن‘ منانے کا فیصلہ کیا ہے۔ ایک بیان میں بی جے پی کی طرف سے کہا گیا ہے کہ کانگریس-جے ڈی ایس نے ناپاک اتحاد کر کے مینڈیٹ کا اغوا کیا ہے۔ بی جے پی کرناٹک کے صدر بی ایس یدی یورپا بنگلورو میں ایک مظاہرے کی قیادت کریں گے۔

کرناٹک میں آج کانگریس-جے ڈی ایس حکومت، حلف برداری کے بعد کام کاج سنبھال لے گی۔ تقریب میں صرف کماراسوامی اور پرمیشور ہی حلف لیں گے۔ دیگر وزراء کی حلف برداری بعد میں ہو گی۔ کرناٹک میں کل 34 وزراء ہوں گے، اس میں کانگریس کے 22 جبکہ وزیر اعلیٰ سمیت جے ڈی ایس کے 12 وزراء ہوں گے، اسمبلی اسپیکر کانگریس کا ہوگا جبکہ ڈپٹی اسپیکر جے ڈی ایس کی جاب سے ہوگا۔

کے آر رمیش کمار جمعرات یعنی کل اسمبلی میں کماراسوامی کا فلور ٹیسٹ لیں گے۔ ایوان میں اکثریت ثابت ہونے کے بعد کابینہ کی توسیع ہوگی۔ اس کے بعد وزراء کو قلمدان سونپ دئے جائیں گے۔

کرناٹک میں کماراسوامی کی حلف برداری تقریب میں اپوزیشن متحد نظر آئے گا جس کے سبب مودی حکومت کی نیند اڑ سکتی ہے۔ حلف برداری تقریب میں 6 وزرائے اعلیٰ، کئی سابق وزرائے اعلیٰ اور کئی قدآور رہنما شامل ہونے جا رہے ہیں۔

وزرائے اعلی کی بات کریں تو اس تقریب میں مغربی بنگال کی وزیر اعلیٰ ممتا بنرجی، آندھرا پردیش کے وزیر اعلیٰ چندرابابو نائیڈو، تلنگانہ کے وزیر اعلیٰ چندر شیکھر راؤ، کیرالہ کے وزیر اعلی پنرائی وجین، پنجاب کے وزیر اعلیٰ کیپٹن امریندر سنگھ اور دہلی کے وزیر اعلیٰ اروند کیجریوال نے اس تقریب میں شامل ہونے کی رضامندی دے دی ہے۔

علاوہ ازیں یو پی اے کی چیئر پرسن سونیا گاندھی، کانگریس کے صدر راہل گاندھی، سماجوادی پارٹی کے سربراہ اکھلیش یادو، بی ایس پی کی سربراہ مایاوتی، آرجےڈی رہنما تیجسوی یادو، سی پی ایم کے جنرل سکریٹری سیتا رام یچوری، سی پی آئی کے جنرل سکریٹری سدھاکر ریڈی، ڈی راجا کے علاوہ نیشنل کانفرنس کے رہنما فاروق عبداللہ اور ان کے بیٹے عمر عبداللہ کماراسوامی کی حلف برداری تقریب میں شرکت کریں گے۔