گجرات اے ٹی ایس نے احمد آباد ایئرپورٹ سے 4 دہشت گردوں کو کیا گرفتار، سبھی کا تعلق سری لنکا سے
چاروں دہشت گردوں کو گرفتار کرنے کے بعد گجرات اے ٹی ایس انھیں نامعلوم مقام پر لے گئی ہے اور ان سے پوچھ تاچھ شروع کر دی ہے۔
![<div class="paragraphs"><p>گجرات اے ٹی ایس، تصویر سوشل میڈیا</p></div>](https://media.assettype.com/qaumiawaz%2F2023-10%2Ffc3eb2ad-a485-4176-b2f0-0f52f4b22f71%2FGujarat_ATS.jpg?rect=0%2C0%2C768%2C432&auto=format%2Ccompress&fmt=webp)
گجرات اے ٹی ایس، تصویر سوشل میڈیا
گجرات اے ٹی ایس نے ایک بڑی کارروائی انجام دیتے ہوئے احمد آباد ایئرپورٹ سے آئی ایس آئی ایس کے چار دہشت گردوں کو گرفتار کیا ہے۔ میڈیا رپورٹس کے مطابق چاروں دہشت گرد سری لنکائی باشندے ہیں۔ بتایا جا رہا ہے کہ گجرات اے ٹی ایس فی الحال چاروں دہشت گردوں کو نامعلوم مقام پر لے گئی ہے اور اس سے پوچھ تاچھ کا عمل شروع کر دیا گیا ہے۔
ابھی تک اس بات کا پتہ نہیں چل سکا ہے کہ دہشت گرد کس ارادے سے احمد آباد ایئرپورٹ پر آئے تھے۔ گجرات اے ٹی ایس کی یہ ایک بڑی کارروائی قرار دی جا رہی ہے۔ اس سے قبل بھی گجرات اے ٹی ایس نے ایک خفیہ آپریشن میں پانچ لوگوں کو گرفتار کیا تھا جس کے بارے میں بتایا گیا کہ وہ آئی ایس خراسان سے منسلک تھے۔ ٹھیک اسی وقت گجرات اے ٹی ایس کو خبر ملی کہ تین لوگ پوربندر سمندری راستے سے افغانستان اور وہاں سے ایران جانے کی کوشش میں ہیں۔
بہرحال، تازہ کارروائی سے متعلق بتایا جا رہا ہے کہ یہ دہشت گرد بڑے حملہ کی فراق میں تھے۔ ابتدائی جانچ میں پتہ چلا ہے کہ یہ دہشت گرد سری لنکا سے چنئی ہوتے ہوئے احمد آباد پہنچے تھے۔ مہدف لوکیشن پر پہنچنے سے پہلے ہی گجرات اے ٹی ایس نے ان چاروں دہشت گردوں کو گرفتار کر لیا۔ یہ بھی بتایا جا رہا ہے کہ گرفتار دہشت گرد پاکستان کے ہینڈلر کے حکم کا انتظار کر رہے تھے۔ ان دہشت گردوں کے احمد آباد تک پہنچنے کے بعد گجرات پولیس الرٹ موڈ میں آ گئی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔