دریا میں ڈوب جانے سے دادا اور دو پوتوں کی موت

راجستھان کے بھرت پور ضلع کے بیانا کے صدر تھانہ علاقہ کے گاؤں نگلا بنڈا میں جمعرات کو گاؤں سے بہنے والی گمبھیر ندی میں اپنی بکریوں کو پانی پلانے گئے ایک بزرگ اور اس کے دو پوتوں کی ڈوب جانے سے موت ہوگئی۔

پولیس نے بتایا کہ گاوں نگلا بنڈہ کا رہنے والا 62 سالہ وشرام سنگھ گرجر جمعرات کی صبح اپنے پوتے یوگیش (15) اور انکت (10) کے ساتھ گاؤں کے نزدیک سے گزرنے والی گمبھیر ندی میں بکریوں کو پانی پلانے گیا تھا۔ اسی دوران اچانک اس کے دونوں پوتے دریا کے گہرے پانی میں جا گرے۔ انہیں بچانے کی کوشش میں وشرام بھی دریا میں کود گیا ۔ تینوں کی گہرے پانی میں  ڈوب جانے سے موت ہو گئی ۔

واقعہ کی اطلاع ملتے ہی ڈپٹی سپرنٹنڈنٹ آف پولیس کرشن راج، تحصیلدار ونود مینا، صدر تھانہ کے ایس ایچ او بلرام یادو موقع پر پہنچے اور ایس ڈی آر ایف ٹیم کو بلایا اور تلاشی مہم چلائی۔ تلاشی مہم کے بعد ایس ڈی آر ایف کی ٹیم نے گاوں نگلا بنڈہ کے رہنے والے وشرام سنگھ گرجر کی لاش برآمد کی۔ شام ہونے کی وجہ سے کل  ریسکیو آپریشن روک دیا گیا۔ آج جمعہ  کو دوبارہ سرچ آپریشن شروع کیا جائے گا۔