حکومت مزدوروں کے مفاد میں مؤثر قدم اٹھائے: مایاوتی

لکھنؤ: بہوجن سماج پارٹی (بی ایس پی) سپریمو مایاتی نے جمعہ کو یوم مزدور پر مرکزی اور ریاستی حکومت سے کورڑوں غریب مزدوروں کے مفاد کے لئے مؤثر قدم اٹھانے کی اپیل کی ہے۔

بی ایس پی سربراہ نے کہا کہ کورونا وبا اور لا ک ڈاؤن کی وجہ سے روزی روٹی پر بحران کی صورتحال ہےاور ملک کے بڑے پرائیویٹ سیکٹر کی کمپنیاں اس بحران کی گھڑی میں اپنا منافع کمانے کے لئےملازمین کی تنخواہ میں من مانی کٹوتی کررہی ہیں۔انہوں نے کہا کہ مرکزی اور ریاستی حکومت کو ان معاملوں کا نوٹس لینا چاہئے۔

مایاوتی نے جمعہ کو اپنے ٹوئٹ میں لکھا"عالمی یوم مزدور جسے یکم مئی کو مزدور و محنت کش سماج ہر سال دھوم دھام سے مناتا ہے مگر موجود وقت کورونا وبا و لاک ڈاؤں کی وجہ سے ان کی روزی روٹی پر بحرانی کے گہرے بادل ہیں۔ایسے میں حکومت کا کرداد کافی اہم اور ضروری ہوجاتا ہے"۔

انہوں نے کہا کہ"اس لئے مرکز اور ریاستی حکومتوں سے اپیل ہے کہ وہ کروڑوں غریب مزدوروں و محنت کش پریوار کے زندگی کے مفاد کے تحفظ میں مؤثر قدم اٹھائیں اور ان بڑی پرائیویٹ کمپنیوں کا بھی نوٹس لیں جو صرف اپنا منافع برقرار رکھنے کے لئے ملازمین کی تنخواہوں میں من مانی تخفیف کررہی ہیں۔