نتیش جیسا موقع پرست نہیں دیکھا :لالو

پٹنہ : تاریخی گاندھی میدان میں آر جے ڈی سپریمو لالو پرساد یادو کی ’دیش بچاؤ، بی جے پی بھگاؤ‘ ریلی میں حزب اختلاف کا زبردست اتحاد دیکھنے کو ملا۔ لالو یادو اور ان کے خاندان کے علاوہ شرد یادو، اکھلیش یادو، ممتا بنرجی، غلام نبی آزاد، ڈی راجا، ہنومنت راؤ، ایلانگون اور طارق انور موجود رہے۔

ریلی سے خطاب کرتے ہوئے لالو پرساد یادو نے کہا کہ اس وقت این ڈی اے میں جو بہار سے بڑے رہنما ہیں وہ سبھی انہیں کے پروڈکٹس ہیں۔ نتیش کمار پر نشانہ لگاتے ہوئے انہوں نے کہا کہ نتیش پر کبھی بھروسہ نہیں کرنا چاہئے تھا، لیکن فرقہ ترست قوتوں کو روکنے کے لئے انہیں بھاری من سے اسمبلی انتخابات سے قبل عظیم اتحاد بنایا پڑا۔ لالو نے کہا کہ انہیں پہلے ہی علم تھا کہ یہ انسان یقین کرنے کے قابل نہیں ہے۔

لالو یادو نے کہا کہ شرد یادو نے نتیش کو انگلی پکڑ کر سیاست کی راہ دکھائی لیکن آج تنیش ان کو بھی دھمکی دے رہے ہیں، انہیں خبر نہیں کہ شرد یادو کے ساتھ عوام کی حمایت ہے۔ لالو نے کہا کہ بہار کی سیاست میں تیجسوی یادو کے بڑھتے قد سے نتیش پریشان ہو رہے تھے اور اندر ہی اندر جل رہے تھے جو ان سے دیکھا نہیں جا رہا تھا ۔ لالو نے کہا کہ نتیش کو یہ پریشانی تھی کہ ان کے آگے کا لڑکاعوام میں اتنا مقبول ہو رہا ہے۔ لالو نے الزام لگایا کہ نتین نے سازشاً تیجسوی کی شبیہ کو خراب کرنے کے لئے عظیم اتحاد سے علیحدہ ہونے اور بی جے پی کے ساتھ مل جانے کا فیصلہ کیا۔

لالو پر ساد یادو نے نتیش کمار پر مزید حملہ بولتے ہوئے کہا کہ جب تنیش بیمار پڑے تو انہیں سمجھ لینا چاہئے تھا کہ کوئی گڑبڑ ہے۔ لالو نے کہا کہ جب انہوں نے تین بار نتیش کو کال ملائی اور انہوں نے بات نہیں کی تبھی وہ سمجھ گئے تھے کہ کچھ گڑبڑ چل رہی ہے۔سی بی آئی کی چھاپہ ماری کے حوالے سے لالو نے کہا کہ ریاستی حکومت کی اجازت کے بغیر سی بی آئی نہیں آ سکتی، نتیش کو اس کی اطلاع پہلے سے ہی تھی۔ لالو یادو نے کہا کہ انہوں نے نتیش کمار جیسا موقع پرست آج تک نہیں دیکھا۔ انہوں نے مزید کہا کہ نتیش پہلے آر ایس ایس سے پاک ملک کا نعرہ دیتے تھے لیکن اب اسی آر ایس ایس کی گود میں جاکر بیٹھ گئے ہیں۔ شراب بندی کے حوالے سے لالو یادو نے کہا کہ آج گھر گھر میں شراب مل رہی ہے۔

لالو یادو نے کہا کہ سشیل کمار کو سریجن گھپلے کی معلومات پہلے سے ہی تھی اور سریجن گھپلے سے منسلک کاغذات ان کے پاس موجودہیں۔ انہوں نے سریجن گھوٹالے کی جانچ سپریم کورٹ یا ہائی کورٹ کے جج کی نگرانی میں سی بی آئی سے کرائے جانے کا مطالبہ کیا۔

آر جے ڈی کی ریلی میں شامل ممتا بنرجی نے اپنے خطاب میں مرکزی حکومت اور مودی پر نشانہ لگاتے ہوئے کہا کہ ایک طرف سرمایہ دار ہیں جب کہ دوسری جانب عام آدمی ہیں، مرکزی حکومت سرمیہ داروں کے فائدے کے کام کرتی ہے عام آدمی کے نہیں جبکہ ان کی سرکار غریبوں کی لڑائی لڑ رہی ہے اور آگے بھی لڑتی رہے گی۔انہوں نے کہا کہ مودی سرکار ہر ایک محاذ پر ناکام ہو چکی ہے۔

کانگریس کے رہنما غلام نبی آزاد نے گاندھی میدان میں آر جی ڈی کی ریلی سے اپنے خطاب کے دوران سونیا گاندھی کا تحریری بیان پڑھا، جس میں انہوں نے نتیش کمار کو آڑےک ہاتھ لیا۔ بیان کے ذریعے سونیا گاندھی نے نتیش پر حملہ بولتے ہوئے کہا کہ بہار میں جے ڈی یو، آر جے ڈی اور کانگریس نے ایک ساتھ چلنے کا حلف اٹھایا تھا لیکن نتیش کمار نے ریاست کے لوگوں کو دھوکہ دیا ہے۔ سونیا نے اپنے بیان کے ذریعے کہا کہ نتیش نے جو کیا وہ نہ صرف بہار کے مینڈیٹ کی بے حرمتی ہے بلکہ اس قوم کی بھی بے حرمتی ہے۔

ریلی سے خطاب کرتے ہوئے شرد یادو نے کہا کہ اب قومی سطح پر عظیم اتحاد بنایا جائے گا۔ پنچکولہ کے تشدد کے حوالے سے شرد یادو نے کہا وہاں کے تشدد کے لئے کھٹر سرکار نہیں بلکہ مرکزی قیادت ذمہ دار رہے جن کی دوسرتی رام رحیم کے ساتھ ہے اور مرکزی وزراء کے رام رحیم سے تعلقات ہیں۔

ریلی سے خطاب کرتے ہوئے اکھلیش یادو نے کہا کہ میں لالو یادو کو مبارک باد پیش کرنا چاہتا ہوں جن کی وجہ سے اتنا بڑا جم غفیر یہاں پہنچا ہے۔ انہوں نے کہا کہ بی جے پی ایک ڈیجیٹل پارٹی ہے اگر وہ گوگل سے دیکھ رہے ہوں گے تو جانتے ہوں گے کہ حالات کیا ہیں۔ انہوں نے کہا کہ وہ ملک بچانا چاہتے ہیں، کیوں کہ آج کو پسماندہ کر دیا گیا ہے۔ اکھلیش نے کہا کہ ہم پوچھنا چاہتے ہیں کہ غریبوں، کسانوں اور پسماندہ طبقات کو آخر کیا حاصل ہوا؟

اکھلیش نے سوال اٹھاتے ہوئے کہا کہ مرکزی حکومت یہ بتائے کہ نوٹ بندی سے اور جی ایس ٹی سے کتنی بد عنوانی کم ہو گئی؟ اکھلیش نے کہا کہ بہار اور یوپی میں سیلاب آیا نہیں ہے بلکہ لایا گیاہ ہے۔ اکھلیش نے کہا کہ اگر یہ دھرتی بی جے پی کا رتھ روک سکتی ہے تو یہ دھرتی بی جے پی کو بھی روک سکتی ہے۔

قبل ازیں تیجسوی یادو نے وزیر اعظم مودی اور نتیش کمار پر جم کر نشانہ لگایا۔ تیجسوی نے اپنے خطاب میں کہا کہ نتیش 28سالہ نوجوان سے ڈر گئے ہیں۔ سریجن گھوٹالے پر تیجسوی نے کہا کہ اس میں بی جے پی اور جے ڈی یو کے لوگ شامل ہیں عظیم اتحاد توڑنے پر تیجسوی نے کہا کہ ’’تیجسوی تو بہانہ تھا انہیں تو سریجن گھوٹالے کو چھپانا تھا‘‘۔