دہلی میں کورونا وائرس کے زیر علاج مریضوں کی تعداد صرف 1025

دارالحکومت میں گزشتہ 24 گھنٹے کے دوران نئے متاثرین کے مقابلے صحت یاب ہونے والے مریضوں کی تعداد میں اضافے کی وجہ سے زیر علاج مریضوں کی تعداد گھٹ کر 1025 رہ گئی۔

دہلی میں ہفتہ کے روز زیر علاج مریضوں کی تعداد مزید 28 گھٹ کر 1025 ہوگئی۔ دارالحکومت میں صحت یاب ہونے والے افراد کی تعداد میں اضافے کی وجہ سے زیر علاج مریضوں میں یہ کمی ریکارڈ کی گئی ہے۔

دہلی کے محکمہ صحت کی طرف سے کل جاری ہونے والی بلیٹن کے مطابق اس عرصے میں 152 نئے متاثرین کی رپورٹ کے بعد متاثرہ افراد کی مجموعی تعداد 637755 ہوگئی ہے، جبکہ کورونا وائرس سے شفایاب افراد کی تعداد 625832 ہوگئی ہے ۔ دارالحکومت میں آج مریضوں کی شفایابی کی شرح 98.13 فیصد ہوگئی ہے۔

اس عرصے کے دوران ، ایک مریض کی موت ہونے سے اموات کی تعداد 10898 ہوگئی ہے۔ دارالحکومت میں اموات کی شرح محض 1.71 فیصد ہے۔ مرنے والوں کے معاملے میں دہلی ملک میں چوتھے نمبر پر ہے۔

دارالحکومت میں گزشتہ 24 گھنٹے کے دوران 62063 نمونوں کی جانچ کی گئی۔ ادھر دہلی میں ممنوعہ علاقوں کی تعداد اب 636 ہوگئی ہے۔