دہلی میں کورونا سے بڑی راحت، انفیکشن کے کیسز میں کمی، 6430نئے کیسز

قومی دارالحکومت میں ہفتہ کے روزعالمی وبا کوروناوائرس کے نئے کیسز کم ہوکر 6430 تک پہنچ گئے اور اس وبا سے گزشتہ 24 گھنٹوں کے دوران 337 مریضوں کی موت ہوگئی۔

کل ایک ہیلتھ بلیٹن میں یہ اطلاع دی گئی تھی۔ بلیٹن میں بتایا گیا کہ دہلی میں کورونا کی دوسری لہر میں مثبت شرح سب سے زائد 11.32 فیصد رہی جبکہ شرح اموات 1.53 فیصد ہے۔

دہلی میں تازہ ترین انفیکشن کےبعد ایکٹو کیسزکی مجموعی تعداد 66،295 تک پہنچ گئی لیکن اس دوران اس وبا کو 11،592 مریضوں نے شکست دی ۔ دارالحکومت میں مجموعی طور پر 56،811 ٹیسٹوں میں یہ کیسز سامنے آئے، جن میں 46،744 آر ٹی پی سی آر / سی بی این اے اے ٹی / ٹرو نیٹ اور 10،037 ریپڈ اینٹیجن ٹیسٹ شامل ہیں۔

دارالحکومت میں متاثرہ افراد کی مجموعی تعداد 13،87،411 تک جا پہنچی ہے اور اس وبا سے اب تک 21،244 مریضوں کی موت ہو چکی ہے۔ سرکاری اعداد و شمارکےمطابق دارالحکومت میں 7223 کووڈ بیڈ دستیاب ہیں اور 556 کووڈ کیئر سنٹر اور 547 کووڈ ہیلتھ کیئرہیں۔

بلیٹن میں بتایا گیا کہ گذشتہ روز 5343 مستفیدین کو کورونا کے ٹیکے لگائے گئے، جس میں سے 4053 کو کورونا کی پہلی خوراک اور 1286 کو دوسری خوراک دی گئی ۔ عید الفطر کی وجہ سے جمعہ کے روز سرکاری مراکز بند رہنے کی وجہ سے ویکسینیشن کی تعداد کمی آئی ۔