دہلی اور این سی آر میں جلد دھول بھری آندھی اور بارش کے آثار

نئی دہلی: قومی راجدھانی خطہ اور اس سے ملحقہ علاقوں میں آنے والے دنوں میں دھول بھری آندھی، تیز ہوائیں اور بارش ہونے کے امکانات ہیں۔ اسکائی میٹ ویدر کے مطابق ویسٹرن ڈسٹربنس کی وجہ سے آئندہ چار پانچ دنوں کے دوران دہلی، نوئیڈا، گڑگاؤں، فرید آباد اور غازی آباد میں دھول بھری آندھی کے ساتھ تیز ہوائیں چل سکتی ہیں اور ہلکی بارش بھی ہو سکتی ہے۔

اسکائی میٹ نے کہا کہ دہلی اور این سی آر کے الگ الگ مقامات پر ہلکی بارش اور گرج کے ساتھ بوندا باندی ہو سکت ہے۔ موسم کی پیش گوئی کرنے والی تنظیم نے کہا، ’’اگلے ہفتہ کے آخر تک جنوب مغرب مانسوس این سی آر میں داخل ہو سکتا ہے، کیوں کہ خلیج بنگال کے اوور کم دباؤ کا علاقہ بن گیا ہے، جو شدید روپ اختیار کر راہ ہے۔

دریں اثنا، گزشتہ 24 گھنٹوں کے دوران دہلی اور اس سے ملحقہ علاقوں نوئیڈا، گڑگاؤں، فرید آباد اور غازی آباد میں شدید گرمی کا سلسلہ جاری ہے اور لو کی صورت حال پیدا ہو گئی ہے۔