فیروز آباد میں سڑک حادثے میں 5 افراد کی موت، 7 زخمی
اس سڑک حادثے میں تین لوگوں کی موقع پر ہی موت ہو گئی جبکہ ٹیمپو ڈرائیور سمیت دو دیگر کی علاج کے دوران موت ہو گئی۔
![<div class="paragraphs"><p>فائل تصویر آئی اے این ایس</p></div>](https://media.assettype.com/qaumiawaz%2F2024-06%2Fb3265596-36d8-4017-96d0-4bd1a1c2f17f%2FRoad_Accident.jpg?rect=1%2C0%2C524%2C295&auto=format%2Ccompress&fmt=webp)
فائل تصویر آئی اے این ایس
اترپردیش میں فیروز آباد ضلع کے رضوالی علاقے میں ہفتہ کی دوپہر روڈ ویز کی بس کے ٹکر سے کار اور ٹیمپو میں سوار پانچ افراد کی موت ہو گئی جبکہ سات دیگر شدید زخمی ہو گئے۔پولیس ذرائع نے بتایا کہ یہ حادثہ رضوالی علاقہ میں ٹنڈلہ ایٹہ روڈ پر تاج پور پولیس چوکی کے نزدیک اس وقت پیش آیا جب ایٹہ سے ٹنڈلہ جارہی روڈ ویز کی بس نے آگے جارہی کار اور ٹیمپو کو ٹکر مار دی۔
پولیس نے موقع پر پہنچ کر ٹیمپو اور کار میں پھنسے زخمیوں کو نکال کر ضلع اسپتال پہنچایا۔ اس حادثے میں تین لوگوں کی موقع پر ہی موت ہو گئی جبکہ ٹیمپو ڈرائیور سمیت دو دیگر کی علاج کے دوران موت ہو گئی۔ حادثے میں زخمی ہونے والے سات افراد کو ٹراما سینٹر میں داخل کرایا گیا ہے۔
انہوں نے بتایا کہ مرنے والوں میں سپنا (25) اور اس کے آٹھ ماہ کے بیٹے کے علاوہ انیل (28) کی موقع پر ہی موت ہوگئی، جب کہ زخمی رینو (25) اور ٹیمپو ڈرائیور مانو (28) کی علاج کے دوران موت ہوگئی۔ زخمیوں میں بوبی، ریشما، بالیسٹر تومر، ششی تومر، ہمانشو اور نیہا کا علاج کیا جا رہا ہے۔بس کو قبضے میں لیکر ڈرائیور کو حراست میں لے لیا گیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔