دہلی میں کوروناوائرس سے مزیدپانچ مریضوں کی موت، 44نئے معاملے

قومی راجدھانی دہلی میں گزشتہ چوبیس گھنٹوں کے دوران منگل کی شام تک کورونا انفیکشن کے44نئے معاملے سامنے آنے کے ساتھ ہی متاثرین کی مجموعی تعداد بڑھ کر 14,35,609ہوگئی اور پانچ مزید مریضوں کے ساتھ اموات کا اعدادوشمار 25,035تک پہنچ گیا۔ ریاست میں انفیکشن کی شرح معمولی اضافہ کے ساتھ 0.07فیصد ہوگئی ہے۔

محکمہ صحت کی طرف سے منگل کو جاری بلیٹن کے مطابق راجدھانی میں انفیکشن کی شرح معمولی بڑھ کر 0.07ہوگئی ہے، جو پیر کو 0.06فیصد تھی اور اموات کی شرح 1.74فیصد پر برقرارہے جبکہ فعال معاملات کی تعداد کم ہوکر 569رہ گئی ہے۔

دہلی میں مذکورہ مدت میں پانچ مزید مریضوں کی موت ہوجانے سے اموات کا اعداد و شمار بڑھ کر 25035ہوگیا۔ راجدھانی میں میں اتوار کو کورونا انفیکشن سے کسی کی جان نہیں گئی اور پیر کو اس وبا سے تین مریضوں کی موت ہوئی۔ اموات کے معاملہ میں دہلی ملک میں چوتھے نمبر پر ہے۔

دہلی میں اس دوران کورونا وائرس (کووڈ۔19) وبا کو 37مزید مریضوں نے شکست دی اور صحت یاب ہونے والوں کی تعداد بڑھ کر 14,10,005ہوگئی ہے۔

دہلی میں گزشتہ چوبیس گھنٹوں کے دوران 63,019نمونوں کا ٹیسٹ کیا گیاجن میں آر ٹی پی سی کے 44,368نمونے اور ریپڈ انٹی جن نمونوں کی تعداد 18,651ہے۔ اب تک راجدھانی میں کل ملاکر 93,67,800ڈوز لگ چکی ہے۔ گزشتہ چوبیس گھنٹوں کے دوران راجدھانی میں 25,985لوگوں کو کورونا وائرس کا ٹیکہ لگاگیا جن میں سے کورونا ویکسین کی پہلی ڈوز لینے والوں کی تعداد 16,704اور دوسری ڈویز لینے والوں کی تعداد 9281رہی۔ راجدھانی میں ہوم آئسولیشن میں رہنے والوں کی تعداد کم ہوکر 183رہ گئی ہے۔

سرکاری اعدادو شمار کے مطابق اسپتالوں میں 12,729کووڈ بیڈ دستیاب ہیں، وقف کووڈ دیکھ بھال مراکز میں 3,871اور وقف کووڈ ہیلتھ دیکھ بھال مراکز میں 177بیڈ ہیں۔

خیال رہے کہ کورونا کی دوسری لہر کے دوران دہلی میں 20اپریل کو ایک دن میں اس کے انفیکشن کے سب سے زیادہ 28,395معاملے درج کئے گئے تھے۔