بالآخر اعظم خان اور ان کی بیوی-بیٹے کو ملی اچھی خبر، جیل سے رہائی کا حکم

پریاگ راج: الہ آباد ہائی کورٹ نے جعلی پیدائش سرٹیفکیٹ بنوانے کے الزام میں جیل میں بند سماج وادی پارٹی کے رکن پارلیمنٹ اعظم خان، ان کی اہلیہ ایم ایل اے ڈاکٹر تنزین فاطمہ اور بیٹے محمد عبداللہ اعظم خان کی ضمانت عرضی آج منظورکرلی ہے اور فوری رہاکرنے کا حکم جاری کیا۔ عدالت نے ٹرائل کورٹ علی گڑھ سے کورٹ کھلنے پر تین ماہ کے اندر شکایت کردہ کا بیان درج کرنے کی توقع کی ہے۔ یہ حکم جج سدھارتھ نے ڈاکٹر تنزین فاطمہ، محمد اعظم خان و محمد عبدللہ اعظم خان کی ضمانت عرضیوں کو منظور کرتے ہوئے دیا۔

درخواست کے خلاف بی جے پی لیڈر آکاش سکسینہ نے رام پور کے گنج تھانہ میں دھوکہ دہی، انکوڈنگ کے الزام میں ایف آئی آر درج کرائی ہےجس میں پولس چارج شیٹ داخل ہوچکی ہے اورمقدمہ چل رہا ہے۔اعظم خان و تنزین فاطمہ پر الزام ہے کہ انھوں نے اپنے بیٹے کی دو پیدائش سرٹیفکیٹ بنوائے۔ایک میونسپل کونسل رام پور اور دوسری میونسپل کارپوریشن لکھنؤ سے۔ دونوں کی تاریخ پیدائش میں کافی فرق ہے۔

عبدللہ اعظم خان پر جعلی پیدائش سرٹیفکیٹ کا فائدہ اٹھاکر اسمبلی انتخابات لڑنے کا الزام ہے۔ہائی کورٹ نے ان کا انتخاب مسترد کردیا ہے۔ عبدللہ اعظم خان کا اس سلسلے میں کہنا تھا کہ پیدائش سرٹیفکیٹ بنوانے میں ان کا کوئی کردار نہیں ہے۔اس لیے ضمانت پر رہا کیا جائے۔تنزین فاطمہ کا کہنا تھا کہ خاتون ہونے کی وجہ سے ضمانت دی جائے۔ان باتوں کا خیال کرتے ہوئے دونوں کو فوری رہا کرنے کا حکم دیا گیا ہے،لیکن اعظم خان کو شکایت کنندہ کا بیان درج کرنے کے بعد رہاکرنے کاحکم دیا گیا ہے۔