فرضی نیوز کی تشہیر پر ایک نیوز پورٹل کے خلاف مقدمہ درج

جموں: جموں وکشمیر پولیس نے ضلع ادھم پور میں ایک نیوز پورٹل کے خلاف فرضی نیوز مشتہر کرنے کے پاداش میں ایف آئی آر درج کی ہے۔ ایس ایس پی ادھم پور راجیو پانڈے نے تفصیلات فراہم کرتے ہوئے کہا کہ 'سوشل میڈیا کی سائٹس جیسے فیس بک، ٹوئٹر، انسٹاگرام، وٹس ایپ وغیرہ کی مسلسل اور باریک بینی سے نگرانی کے دوران ہم نے دیکھا کہ "ادھم پور ڈوگری لنک نیوز" نامی ایک نیوز پورٹل نے اپنے فیس بک پیج پر ایک فرضی نیوز اپ لوڈ کی ہے جس میں کہا گیا تھا کہ ادھم پور کے اسکان مندر کے نزدیک چار ملی ٹنٹوں کو دیکھا گیا اور انہوں نے ایک جگہ فائرنگ بھی کی۔ پولیس نے ان میں سے دو ملی ٹںٹوں کو گرفتار کیا ہے جبکہ دو فرار ہونے میں کامیاب ہوئے ہیں'۔

راجیو پانڈے نے کہا کہ پولیس اس نیوز پورٹل کے چلانے والے کو تلاش کر رہی ہے جس نے یہ فرضی نیوز اپ لوڈ کی ہے۔ ایس ایس پی موصوف نے بتایا کہ اس سلسلے میں ایک کیس درج کرکے تحقیقات شروع کر دی گئی ہں۔ انہوں نے لوگوں سے تعاون کرنے کی اپیل کرتے ہوئے کہا کہ وہ بے بنیاد خبریں پھیلانے والوں کے بارے میں پولیس کو اطلاعات فراہم کریں۔