میں 90 سال کا ہو جاؤں تو بھی رکوں گا نہیں، مہاراشٹر کی ترقی کا عزم برقرار رہے گا: شرد پوار

مہاراشٹر میں اسمبلی انتخابات کی تاریخوں کا آج اعلان کیا جائے گا۔ اس سلسلے میں سہ پہر 3.30 بجے الیکشن کمیشن کی پریس کانفرنس ہونے والی۔ اس دوران قد آور رہنما شرد پوار کا ایک بیان سامنے آیا ہے۔ انہوں نے کہا ہے کہ بھلے ہی ان کی عمر 84 سال ہے لیکن وہ رکنے والے نہیں ہیں اور یہ عمر 90 سال ہو جائے گی تو بھی وہ اسی طرح کام کرتے رہیں گے۔

شرد پوار نے کہا ہے کہ وہ مہاراشٹر کو صحیح راستے پر لاکر رہیں گے اور اس کے لیے ہر وقت کام کریں گے۔ شاید ان کا اشارہ اجیت پوار کی طرف تھا۔ شرد پوار فی الحال این سی پی-ایس پی کے رہنما ہیں۔ انہیں یہ نئی پارٹی اس لیے بنانی پڑی تھی کیونکہ گزشتہ سال اجیت پوار بغاوت کرکے الگ ہو گئے تھے۔

دراصل ایک ریلی سے خطاب کرتے ہوئے شرد پوار نے ایک پرانا قصہ سناتے ہوئے کہا کہ یہ بوڑھا آدمی کبھی کہیں جانے والا نہیں ہے۔ انہوں نے کہا کہ ایک ریلی میں کچھ لڑکے ایک بورڈ لے کر کھڑے تھے، تبھی میں نے دیکھا کہ اس میں 84 سال پرانا لکھا تھا، پر میں نے کہا کہ آپ فکر نہ کریں، ہمیں بہت دور جانا ہے، یہ بوڑھا آدمی رکے گا نہیں۔

شرد پوار نے تقریب کے دوران مہاراشٹر حکومت کی طرف سے اعلان لڑکی بہن منصوبہ پر طنز کرتے ہوئے کہا کہ بہن تو بارامتی میں بھی تھی، لیکن وہاں اس کے سامنے انتخاب لڑا گیا۔ انہوں نے آگے مزید حملے کرتے ہوئے کہا کہ پہلے تو بہن کے خلاف انتخابی تشہیر ہوئی اور لڑائی کی گئی۔ اس کے بعد جب لوک سبھا انتخاب کے نتائج سامنے آئے تو وہ بہن کو یاد کرنے لگے۔ انہوں نے کہا کہ ہمارے پاس سوال یہ ہے کہ آخر مہاراشٹر کس کے ہاتھوں میں رہنا چاہیے۔ عالم لوگوں کے ہاتھوں میں یا پھر کسی اور کے۔

شرد پوار نے اپنے طویل سیاسی سفر کا تذکرہ کرتے ہوئے کہا کہ انہوں نے 60 سالوں میں ایک بھی چھٹی نہیں لی ہے۔ 14 مرتبہ انتخاب لڑے، 7 مرتبہ لوک سبھا انتخاب کے لیے میدان میں اترے جبکہ اتنی ہی بار اسمبلی انتخاب لڑا۔ میں 84 سال کا ہو گیا ہوں لیکن آج تک چھٹی نہیں لی اور اگر 90 سال کا ہو جاؤں گا تو بھی اسی طرح کام کرتا رہوں گا۔