کیدارناتھ میں ہیلی کاپٹر کی ایمرجنسی لینڈنگ، بال بال بچے یاتری
کیدارناتھ دھام میں پائلٹ کی عقلمندی سے بڑا حادثہ ٹل گیا۔ کیدارناتھ دھام کے لیے اڑنے والے ہیلی کاپٹر کے پائلٹ نے جمعہ کی صبح 7:05 پر ہنگامی لینڈنگ کی
![<div class="paragraphs"><p>آئی اے این ایس</p></div>](https://media.assettype.com/qaumiawaz%2F2024-05%2F70f57f9b-4acc-4d94-ac99-c84d6dbfa6d0%2Fhelicopter_kedarnath.jpg?rect=0%2C25%2C4000%2C2250&auto=format%2Ccompress&fmt=webp)
آئی اے این ایس
رودرپریاگ: کیدارناتھ دھام میں پائلٹ کی عقلمندی سے بڑا حادثہ ٹل گیا۔ کیدارناتھ دھام کے لیے اڑنے والے ہیلی کاپٹر کے پائلٹ نے جمعہ کی صبح 7:05 پر ہنگامی لینڈنگ کی۔ ہیلی کاپٹر میں فنی خرابی پیدا ہونے پر پائلٹ نے تحمل کا مظاہرہ کرتے ہوئے بحفاظت لینڈنگ کی۔ جس کی وجہ سے 6 افراد کی جانیں بچ گئیں۔ ہیلی کاپٹر نے سرسی سے کیدارناتھ دھام کے لیے اڑان بھری تھی۔
رودرپریاگ کے ضلع ڈیزاسٹر مینجمنٹ آفیسر این ایس راجوار نے کہا، ’’ہیلی کاپٹر صبح سرسی سے کیدارناتھ کی طرف جا رہا تھا۔ کیدارناتھ ہیلی پیڈ سے 100 میٹر پہلے تکنیکی خرابی کی وجہ سے ہیلی کاپٹر کو ہنگامی لینڈنگ کرنا پڑی۔‘‘ ہیلی کاپٹر میں پائلٹ سمیت 6 مسافر سوار تھے۔ ہیلی کاپٹر سرسی ہیلی پیڈ سے شری کیدارناتھ دھام کی طرف جا رہا تھا کہ اچانک کرسٹل ایوی ایشن کے ہیلی کاپٹر میں کوئی تکنیکی خرابی پیدا ہو گئی۔
پائلٹ کلپیش کے مطابق تمام مسافر محفوظ ہیں۔ اگر ہنگامی لینڈنگ نہ کی جاتی تو بڑا حادثہ ہو سکتا تھا۔ بحفاظت لینڈنگ کے بعد مسافروں نے بھی راحت کی سانس لی۔ رپورٹ کے مطابق کیدارناتھ دھام میں اس وقت نو ہیلی کاپٹر خدمات چل رہی ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔