پاکستان کے صوبہ پنجاب میں ڈینگی بخار کے 223 نئے معاملوں کی تشخیص

اسلام آباد: پاکستان کے مشرقی پنجاب صوبے میں گزشتہ 24 گھنٹوں کے دوران ڈینگی بخار کے 223 نئے کیس رپورٹ ہوئے ہیں جس سے خطے میں ڈینگی پھیلنے کا خدشہ بڑھ گیا ہے۔ ایک عہدیدار نے یہ اطلاع دی۔

محکمہ صحت پنجاب کے سکریٹری عمران سکندر نے جمعرات کو میڈیا کو بتایا کہ صوبہ پنجاب میں ڈینگی بخار کے 223 کیسز میں سے 167 صوبائی دارالحکومت لاہور سے رپورٹ ہوئے ہیں۔ دارالحکومت اسلام آباد کے پڑوسی ضلع راولپنڈی سے کم از کم 35 کیس رپورٹ ہوئے ہیں۔

پنجاب میں اس سال اب تک ڈینگی بخار کے 1،659 کیس رپورٹ ہوئے ہیں۔ یہ صوبہ ملک کی کل آبادی کا نصف سے زائد پر محیط ہے۔ عہدیدار نے بتایا کہ محکمہ صحت ڈینگی لاروا کے خاتمے کے لیے صوبے بھر میں مہمات چلا رہا ہے۔ دارالحکومت اسلام آباد کو بھی ڈینگی انفیکشن کی بڑھتی ہوئی تعداد کا سامنا ہے اور گزشتہ دو ہفتوں کے دوران اس بیماری سے کم از کم تین مریض ہلاک ہو چکے ہیں۔