بوئنگ 737 طیارہ استعمال کرنے والے ایئرلائنس کو ڈی جی سی اے نے کیا متنبہ، سیکورٹی کا جائزہ لینے کی ہدایت

ڈی جی سی اے (ڈائریکٹوریٹ جنرل آف سول ایوی ایشن) نے بوئنگ 737 جیٹ لائنر کا استعمال کرنے والی ایئرلائنس کو رڈار کی سیکورٹی سے متعلق فکر کے بارے میں آگاہ کیا ہے۔ ڈی جی سی اے نے ممکنہ طور سے جام یا ممنوعہ رڈار سسٹم کے بارے میں ایئرلائنس کو تنبیہ دی ہے۔ طیارہ کا رڈار ایک ایسا پرائمری سسٹم ہے جو جہاز کی رفتار کو کنٹرول کرتا ہے۔ فی الحال ملک میں ایئر انڈیا ایکسپریس، اسپائس جیٹ اور اکاسا ملک میں بوئنگ 737 سیریز کے طیاروں کا استعمال کرتے ہیں۔ ڈی جی سی اے نے ان آپریٹرس سے سیکورٹی جوکھم کا جائزہ لینے اور کچھ خاص طرح کے انسٹرومنٹ لینڈنگ بند کرنے کو کہا ہے۔

اس درمیان شہری ہوابازی کے وزیر رام موہن نائیڈو نے پیر کے روز ایک بیان میں کہا کہ ہندوستان میں گھریلو ہوائی مسافروں کی تعداد 2030 تک 30 کروڑ تک پہنچ جانے کا امکان ہے۔ ساتھ ہی ہوائی اڈوں کی ترقی پر تقریباً 11 ارب ڈالر خرچ کیے جا رہے ہیں۔ ’فرنچ ایئر اسپیس انڈسٹریز ایسو سی ایشن‘ (جی آئی ایف اے ایس) کی طرف سے قومی راجدھانی میں منعقد تقریب کے دوران انھوں نے یہ بیان دیا۔ انھوں نے مزید کہا کہ ہندوستان اور فرانس ایک مضبوط عالمی ایس اے ایف سپلائی سیریز تیار کرنے کے لیے مل کر کام کر سکتے ہیں۔

واضح رہے کہ ہندوستان دنیا کے سب سے تیزی سے بڑھتے شہری ہوابازی مارکیٹ میں سے ایک ہے اور بڑھتے طلب کو پورا کرنے کے لیے ایئرلائنس اپنے بیڑے کے ساتھ ساتھ نظام کی بھی توسیع کر رہی ہیں۔ اس معاملے میں نائیڈو کا کہنا ہے کہ 2030 تک گھریلو ہوائی مسافر 30 کروڑ تک پہنچنے کا اندازہ ہے، جبکہ آئندہ 25-20 سالوں میں 200 مزید ہوائی اڈوں کے تیار ہونے کی امید ہے۔ ہندوستان میں اس وقت 157 ہوائی اڈے، ہیلی پورٹ اور واٹر ڈروم ہیں۔ 2025 کے آخر تک فعال ہوائی اڈوں کی تعداد 200 تک پہنچنے کی امید ہے۔