نوٹ بندی روزگار کو ختم کرنے کی ایک سوچی سمجھی سازش تھی: راہل گاندھی

نئی دہلی: کانگریس لیڈر راہل گاندھی نے بدھ کو نوٹ بندی کے سات سال مکمل ہونے پر وزیر اعظم نریندر مودی پر تنقید کی۔ راہل گاندھی نے کہا کہ نوٹ بندی روزگار کو تباہ کرنے اور غیر منظم معیشت کو توڑنے کی ایک سوچی سمجھی سازش تھی۔

راہل گاندھی نے اپنے ایکس اکاؤنٹ پر پوسٹ کیا، ’’نوٹ بندی ایک سوچی سمجھی سازش تھی۔ نوٹ بندی روزگار کو تباہ کرنے، مزدوروں کی آمدنی روکنے کی، چھوٹے کاروباروں کو تباہ کرنے کی، کسانوں کو نقصان پہنچانے کی اور غیر منظم معیشت کو توڑنے کی سازش تھی۔‘‘

انہوں نے کہا کہ 99 فیصد عام ہندوستانیوں پر حملہ، ایک فیصد سرمایہ دار مودی کے 'دوستوں' کو فائدہ۔ یہ ایک ہتھیار تھا، آپ کی جیب کاٹنے کا۔ بہترین دوست کی جھولی بھر کر اسے 609 ویں سے دنیا کا دوسرا امیر ترین شخص بنانے کا!

واضح رہے کہ وزیر اعظم نریندر مودی نے 8 نومبر کو قوم سے ٹیلی ویژن خطاب میں کالے دھن اور دہشت گردی پر لگام لگانے کا دعویٰ کرتے ہوئے اس وقت چلن کے 500 اور 1000 روپے کے نوٹوں کو منسوخ کرنے کا اعلان کیا تھا۔ جس کے بعد نئے 500 اور 1000 کے نوٹ جاری کئے گئے۔ اس وقت 2000 کا نوٹ بھی جاری کیا گیا تھا جسے اب منسوخ کر دیا گیا۔