دہلی میں عالمی کپ فائنل کے دن ڈرائی ڈے!

آج  جب روہت شرما کی قیادت والی ٹیم انڈیا ورلڈ کپ 2023 کے فائنل میں آسٹریلیا کے خلاف اپنا تیسرا آئی سی سی ون ڈے ورلڈ کپ ٹائٹل جیتنے کا ارادہ رکھتی ہےاس دن دہلی نے ڈرائی ڈے کا اعلان کیا ہے۔ اس کی وجہ چھٹھ پوجا ہے ۔

واضح رہے آج چھٹھ پوجا کی وجہ سے قومی راجدھانی میں شراب کی دکانیں بند رہیں گی۔جمعرات کو کمشنر (ایکسائز) کرشنا موہن اپو کے ذریعہ جاری کردہ ایک سرکاری حکم میں کہا گیا ہے کہ تمام شراب کی دکانیں بند رہیں گی کیونکہ اتوار کو پرتیہار ششٹھی یا سوریہ ششتی (چھٹھ پوجا) کو ڈرائی ڈے قرار دیا گیا ہے۔

چھٹھ ایک نمایاں تہوار ہے جو اتر پردیش اور بہار کے باشندوں کی طرف سے سورج کی پوجا کرنے کے لیے منایا جاتا ہے۔ چار روزہ تہوار، جس میں عقیدت مند گزشتہ دو دنوں کو روزہ رکھتے ہیں اور سورج دیوتا کو 'ارگھیہ' پیش کرتے ہیں جو اس سال 17 نومبر کو شروع ہوا تھا۔

دہلی کے ایکسائز کمشنر کو مذہبی تہواروں اور ملک کی عظیم شخصیات کی برسی جیسے مواقع پر  ڈرائی ڈے کی اطلاع دینے کا اختیار ہے۔ ایکسائز لائسنس دہندگان کو ڈرائی ڈیز کا معاوضہ نہیں دیا جاتا ہے۔ اس سال کے شروع میں، چار سرکاری ایجنسیوں کے ذریعے چلائے جانے والے تقریباً 637 شراب کی دکانیں 8 مارچ (ہولی)، 2 اکتوبر (گاندھی جینتی)، 24 اکتوبر (دسہرہ) اور 12 نومبر (دیوالی) کو بند رہیں۔دہلی حکومت کے محکمہ ایکسائز کی طرف سے جاری کردہ فہرست کے مطابق اگلا ڈرائی ڈے کرسمس (25 دسمبر) کو ہوگا۔