آکسیجن کے لئے اسپتال کے نوڈل افسروں سے رابطہ کریں: ہائی کورٹ
عدالت نے یہ بھی تجویز پیش کی کہ نوڈل افسران پر بوجھ کم کرنے کے لئے دوسرے افسران کو بھی مقرر کیا جائے۔
دہلی ہائی کورٹ نے آج قومی دارالحکومت کے تمام اسپتالوں کو آکسیجن کی ضروریات کے لئے مرکزی حکومت کے مقرر کردہ نوڈل افسران سے رابطہ کرنے کی ہدایت دی ہے۔مرکزی حکومت کی جانب سے آکسیجن کو یقینی بنانے کے لئے کنٹرول روم قائم کرنے کے بارے میں عدالت کو مطلع کرنے کے بعد یہ فیصلہ آیا ہے۔
عدالت برہم ہیلتھ کیئر اور بترا اسپتال کی جانب سے دائر درخواست کی سماعت کررہی تھی جس میں عدالت سے کووڈ 19 کے مریضوں کے علاج کے لئے آکسیجن کی فراہمی میں مداخلت کرنے کی اپیل کی گئی تھی۔ پچھلے کچھ دنوں میں ، سانس لیتے ہوئے پریشانی ہونے والے کورونا مریضوں میں اچانک اضافے کے بعد ، اسپتالوں میں آکسیجن کی فراہمی کا نظام درہم برہم ہے ہو گیا اور طبی آکسیجن کا معاملہ تنازعات میں آگیا۔
سالیسیٹر جنرل تشار مہتا نے آج وزیر اعظم نریندر مودی کے دہلی کے وزیر اعلی اروند کیجریوال سمیت متعدد ریاستوں کے وزرائے اعلی کے ساتھ ویڈیو کانفرنس کے ذریعے عدالت کو آگاہ کیا ، جس میں مسٹر مودی نے ریاستوں سے کورونا کے ساتھ جنگ میں متحد ہونے اور دوائیوں اور آکسیجن کی مفت ڈھلائی میں مداخلت سے گریز کرنے سے بچنے کو کہا ۔
سالیسیٹر جنرل نے کہا ، "ہم آکسیجن کی آمدورفت میں نیم فوجی دستوں کو تعینات نہیں کرسکتے۔ آئینی طور پر یہ کام نہیں کیا جاسکتا۔ ریاستی پولیس اور سنٹرل فورسز کے مابین تصادم ہوسکتا ہے۔ معاملے کو حل کرنے کے لئے بیوروکریسی کی سطح پر انتظامات کیے گئے ہیں۔ "
عدالت نے دہلی حکومت کو ٹیلیفون نمبر جاری کرنے کی تجویز پیش کی جس پر کووڈ۔ 19 ہسپتال براہ راست حکومت سے رابطہ کرسکتے ہیں۔ عدالت نے یہ بھی تجویز پیش کی کہ نوڈل افسران پر بوجھ کم کرنے کے لئے دوسرے افسران کو بھی مقرر کیا جائے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔