بریکنگ نیوز: کسان تحریک اور زرعی قوانین پر سپریم کورٹ کی کمیٹی سے علاحدہ ہوئے بھوپندر سنگھ مان

کسان تحریک پر سپریم کورٹ کی طرف سے تشکیل دی گئی چار رکنی کمیٹی سے بھارتیہ کسان یونین (بی کے یو) کے قومی صدر اور کل ہند کسان تال میل کمیٹی کے صدر بھوپندر سنگھ مان نے خود کو علاحدہ کر لیا ہے۔

خیال رہے کہ بھوپندر سنگھ مان کے نام پر شروع سے ہی تنازعہ ہو رہا تھا۔ تحریک چلا رہے کسانوں کا کہنا تھا کہ بھوپندر سنگھ مان پہلے ہی تینوں زرعی قوانین کی حمایت کر چکے ہیں، ایسے حالات میں ان کا اس معاملہ میں رپورٹ پیش کرنا غیر جانبدار نہیں ہوگا۔ کسانوں نے کمیٹی دیگر تین ارکان کی بھی یہ کہہ کر مخالفت کی ہے کہ وہ بھی زرعی قوانین کے حق میں اپنی رائے دے چکے ہیں۔