دہلی میں کورونا کے نئے معاملوں میں پھر اضافہ، اموات کی تعداد381

راجدھانی دہلی میں کورونا کا قہر جاری ہے۔دو دن کورونا کےنئے معاملوں میں آئی کمی کے بعد کل پھر اس تعداد میں اضافہ دیکھنے میں آیا ہے۔ ویسےدہلی میں کورونا متاثرین کی فیصد شرح میں مستقل اضافہ ہورہا ہے۔ جب سے نئے معاملوں کی تعداد میں کمی آئی ہے اس کی وجہ جانچ میں کمی بتائی جا رہی ہے۔ اعداد و شمار کے مطابق دہلی میں پانچ دن پہلے ایک لکھ آٹھ ہزار سے زیادہ ٹیسٹ ہوئےتھے جبکہ پرسوں کورونا کےلئےہونے والےٹیسٹ کی تعداد صرف 57 ہزار تھی ۔جس دن 57 ہزار ٹیسٹ ہوئے اس دن متاثرین کی تعداد 20 ہزار سے زیادہ تھی یعنی فیصد شرح 35 فیصد کےآس پاس۔

جاری اعداد و شمار کے مطابق کل 24 گھنٹوں میں کورونا کے نئے معاملوں کی تعداد 24 ہزار سے زیادہ رہی اور مرنے والوں کی تعداد 381 رہی۔دہلی میں۲۰اپریل کو سب سے زیادہ معاملہ درج ہوئےتھےاور اس دن یہ تعداد 28395 تھی۔

ادھر دہلی میں طبی سہولیات پوری طرح چر مرا گئی ہیں اور حکومت کےپاس کوئی معقول جواب نہیں ہے۔دہلی میں آکسیجن کی قلت ایک بڑا مسئلہ بنی ہوئی ہےاور دہلی کےوزیر اعلی اروند کیجریوال اس تعلق سے مرکز اور صنعتکاروں سے مدد کی درخواست کر چکےہیں ۔ دہلی میں دوسرابڑا مسئلہ میتوں کی آخری رسومات کاہے۔ شمشان گھاٹ پر میتوں کی آخری رسومات کے لئے کئی کئی گھنٹےانتظار کرنا پڑ رہا ہے۔