یوپی میں کرپشن! پاسپورٹ کی تصدیق میں رشوت خوری، فرائض کی انجام دہی میں غفلت، 55 پولیس اہلکار معطل
آگرہ پولیس کمشنر کو پاسپورٹ کی تصدیق میں بے ضابطگیوں کی کئی شکایات موصول ہوئی تھیں، جن کی تصدیق فیڈ بیک یونٹ کے ذریعے کی گئی
![<div class="paragraphs"><p>سوشل میڈیا</p></div>](https://media.assettype.com/qaumiawaz%2F2024-06%2F84a7f84a-7709-4afb-8286-a42f8e5485a0%2Fagra_police.jpg?rect=0%2C25%2C4000%2C2250&auto=format%2Ccompress&fmt=webp)
سوشل میڈیا
اتر پردیش کے آگرہ میں بدعنوانی اور کام میں لاپرواہی کے الزام میں 55 پولیس اہلکاروں کو معطل کر دیا گیا ہے۔ حکام نے یہ جانکاری دی ہے۔ انہوں نے کہا کہ ان میں سے 16 کو پاسپورٹ کی تصدیق کے عمل میں غفلت برتنے پر معطل کر دیا گیا ہے۔ یہ 16 پولیس اہلکار نیو آگرہ، ہری پروت، شاہ گنج اور کملا نگر پولیس اسٹیشن پر تعینات تھے۔
پولیس نے کہا کہ آگرہ پولیس کمشنر کو پاسپورٹ کی تصدیق میں بے ضابطگیوں کی کئی شکایات موصول ہوئی تھیں، جن کی تصدیق فیڈ بیک یونٹ کے ذریعے کی گئی تھی۔ ڈپٹی کمشنر آف پولیس (ایسٹ) نے پاسپورٹ کی تصدیق میں تاخیر پر شمس آباد پولیس اسٹیشن کی ایک خاتون پروبیشن سب انسپکٹر اور ڈوکی پولیس اسٹیشن کے ایک ہیڈ کانسٹیبل کو بھی معطل کر دیا ہے۔
ڈپٹی کمشنر آف پولیس (ویسٹ) سونم کمار کے جاری کردہ ایک پریس نوٹ کے مطابق، ایک سب انسپکٹر، کلرک اور کانسٹیبل سمیت 23 پولیس اہلکاروں کو سرکاری کام میں تاخیر اور فرائض میں کوتاہی برتنے پر معطل کر دیا گیا ہے۔ سائبر تھانے کے چار کلرکوں اور ایک کانسٹیبل سمیت 5 پولیس اہلکاروں کو معطل کیا گیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔