کورونا وائرس: مغربی بنگال میں سبھی اسکول 15 اپریل تک بند

کولکاتا: کورونا وائرس انفیکشن سے متاثرافراد کی تعداد میں اضافے کے پیش نظر بنگال حکومت نے اسکولوں کو 15اپریل تک بند کرنے کا اعلان کیا ہے۔حکومت نے احتیاطی تدابیر کے لئے بڑے پیمانے پر اقدامات کیے ہیں۔اس سے قبل حکومت نے 31مارچ تک اسکول و کالج بند کرنے کا اعلان کیا تھا۔

وزیرا علیٰ ممتا بنرجی نے ریاستی سکریٹریٹ میں آج اعلیٰ سطحی میٹنگ کرنے کے بعد وزیرا علیٰ ممتا بنرجی نے کہا کہ اسکول اب 15اپریل تک بند رکھیں جائیں گیں۔وزیرا علیٰ نے کہا کہ ریاست کے تمام آنگن واڑی کے مراکز بھی بند رکھنے کا فیصلہ کیا۔وزیر اعلیٰ نے سنیما گھروں کو بھی بند کرنے کا اعلان کیا ہے۔اس کے علاوہ تمام ثقافتی اور کلچر پروگرام بھی بند کرنے کا اعلا ن کیا گیا ہے۔

کورونا وائرس سے نمٹنے کے لئے فوری طور پر وزیرا علیٰ ممتا بنرجی نے 200کروڑ روپے کا فنڈ مختص کرنے کا اعلان کیا ہے۔چونکہ اس وقت تک کورونا وائرس کی کوئی خاص دوا نہیں آئی ہے۔اس لئے اس بیماری کی روک تھا م میں کام آنے والے دوائیوں کا اسٹاک جمع کرنے کا عمل شروع کردیا گیا ہے۔حکومت نے این 95ماسکو کا آرڈر دیا ہے۔

وزیرا علیٰ نے کہا کہ ملک بھر میں کورو ناوائرس سے متاثر ین کی تعداد میں اضافہ ہوا ہے۔انہوں نے کہا کہ بنگال میں اب تک ایک بھی مریض کی تشخیص نہیں ہوئی ہے۔مگر کئی افراد کو خصوصی وارڈ میں رکھا گیا ہے۔میٹنگ میں وزیر اعلیٰ نے کورونا کا مقابلہ کرنے کے لئے سرکاری تیاریوں کا جائزہ لیا اور افسران سے کہا کہ زیادہ سے زیادہ تیاریاں رکھی جائیں۔

میٹنگ کے بعدنامہ نگاروں سے بات کرتے ہوئے کہا کہ وزیرا علیٰ نے کہا کہ اسکولوں کو بند کرنے کی مدت میں اضافہ کرنے کا فیصلہ کیا گیا ہے۔وزیرا علیٰ نے کہا کہ کورونا وائرس کے روک تھا م سے بچنے کے لئے ہی ریاست کے تعلیمی اداروں میں تعطیلات بڑھانے کے فیصلہ کیاگیاہے۔ وزیر اعلی نے کہاکہ آنگن واڑی مراکز بھی بند کرنے کا فیصلہ کیا ہے۔تاہم وزیر اعلی نے کہا کہ آنگن واڑی سنٹر کے بچوں کو 2 کلو چاول اور دیگر کھانا ان کے گھر بھیجنے کا انتظام کیا جائے گا۔ وزیر اعلی نے کہا کہ ریاست میں پہلے ہی420000افراد کی اسکریننگ ہوچکی ہے وزیراعلیٰ نے یہ بھی کہا کہ ان کا 5000 سے زائد افراد سے باقاعدہ رابطہ ہے۔

دوسری طرف کورونا وائرس انفیکشن کے خطرات سے بچنےکے لئے احتیاط کے طور پر مغربی بنگال اسمبلی کو بدھ سے بند کرنے کافیصلہ کیا ہے۔ اسپیکر بمان مکھرجی کی صدارت میں ا ٓج کل جماعتی میٹنگ ہوئی جس میں احتیاطی تدابیر کے تحت منگل کو اسمبلی اجلاس ہونے کے بعد سیشن کی کارروائی ملتوی کرنے کا فیصلہ کا گیا ہے۔اس سے قبل چھتیس گڑھ اور مدھیہ پردیش نے بھی اسمبلی اجلاس کو ملتوی کردیا ہے۔

اس سے قبل ریاستی اسمبلی کے اجلاس میں اسپیکرنے ممبران اسمبلی کے ساتھ آنے والے لوگوں پر پابندی اور سیشن کے دوران اسکولوں اور کالجوں کے طلبا کے آنے پر پابندی عاید کردی گئی ہے بائیں بازو کے رہنما سوجن چکرورتی نے کہا کہ باشعور شہری اسمبلی میں آتے ہیں۔انہوں نے کہا کہ سیشن احتیاطی تدابیر کے ساتھ چلایا جاسکتا تھا۔ جو لوگ سڑک پر ہیں ان کا کیا بنے گا؟ ”دوسری طرف کانگریس کے لیڈر اور اپوزیشن لیڈر عبد المنان نے کہا کہ گھبرانے کی کوئی بات نہیں ہے۔ کون یقین دلا سکتا ہے کہ بس ٹرین پر وائرس نہیں پھیلے گا؟ اس کے علاوہ کورونا وائرس کی دہشت کے تناظر میں نیشنل لائبریری کو بھی بند کیا جارہا ہے۔ ہر دن بہت سے لوگ نیشنل لائبریری میں آتے ہیں۔ جب بہت سے لوگ اکٹھے ہوجاتے ہیں تو، کورونا وائرس کے انفیکشن پھیلنے کا امکان رہتا ہے۔