راجدھانی دہلی میں کورونا کا قہر! ایمس کے 35 اور سر گنگا اسپتال کے 37 ڈاکٹر متاثر

نئی دہلی: کورونا وائرس کی دوسری لہر ہر لحاظ سے زیادہ خطرناک شکل اختیار کر رہی ہے۔ عام مریضوں کی تعداد میں اضافہ ہو رہا ہے، بڑی تعداد میں ڈاکٹروں بھی اس کا شکار ہو رہے ہیں۔ دہلی کے گنگا رام اسپتال کے 37 اور ایمس کے 35 ڈاکٹر کورونا سے متاثر پائے گئے ہیں۔ دلچسپ بات یہ ہے کہ ان میں سے شیتر ڈاکٹر کورونا کی دونوں خوراکیں حاصل کر چکے ہیں۔

سرگنگا رام اسپتال کے کورونا پازیٹو 37 ڈاکٹروں میں سے 32 خانگی قرنطینہ میں ہیں جبکہ 5 اسپتال میں داخل ہیں۔ پی ٹی آئی نے ذرائع کے حوالہ سے خبر دی ہے کہ بیشتر ڈاکٹروں میں ہلکی نوعت کی علامات ظاہر ہو رہی ہیں۔

تمام ڈاکٹر کورونا کے مریضوں کی دیکھ بھارل کے دوران متاثر ہوئے ہیں۔ یہ ڈاکٹر 16 جنوری سے شروع ہونے والی ٹیکہ کاری مہم کے بعد سے ٹیکہ لگوا رہے ہیں اور تقریباً سبھی ویکسین کی دونوں خوراکیں حاصل کر چکے ہیں۔

وزیر اعلیٰ اروند کیجریوال نے گنگا رام اسپتال کے چیئرمین ڈاکٹر ڈی ایس رانا کو ملاقات کے لئے طلب کیا ہے۔ ذرائع کے مطابق وزیر اعلیٰ اسپتال اور طبی اہلکاروں کی صورت حال کا جائزہ لیں گے۔ کیجریوال اور ڈاکٹر ڈی ایس رانا کے مابین یہ اجلاس 4 بجے طلب کیا جائے گا۔

اس سے قبل لکھنؤ کی کنگ جارج میڈیکل یونیورسٹی کے تقریباً 39 ڈالٹرو کورونا کی پہلی خوراک حاصل کرنے کے بعد متاثر ہو گئے تے۔ متاثرین میں وائس چانسلر ڈاکٹر وپن پوری، اپستال کے سپرنٹنڈنٹ ڈاکٹر ہیمانشو، جنرل سرجری شعبہ کے 20 ڈاٹر، محکمہ یورولوجی کے 9 اور شعبہ میڈیسن کے 3 ڈاکٹر شامل ہیں۔