'میں چوبیسوں گھنٹے کام کرنے سے مخیر اور نرم دل بن گیا'

نوجوان اور متحرک کورونا واریر کی حیثیت سے کام کرنے والے م ہیلتھ ورکر اشوک شان نے کہا ہے کہ فطرت کے لحاظ سے انسان معاشرتی ہے اور انسانیت کی حفاظت و سلامتی کے لئے کام کرنا ہر انسان کی اولین ترجیح اور اہم معاشرتی ذمہ داری ہونی چاہئے۔

اشوک شان کا کہنا ہے کہ اب زائد از نو برس کے عرصے سے محکمہ میں کام کرتے ہوئے انہوں نے کبھی بھی اپنی ملازمت کی اہمیت کو محسوس نہیں کیا جتنا کووڈ 19 کے خوف سے گزشتہ ایک برس میں کام کرتے ہوئے محسوس کیا ہے۔

انہوں نے کہا کہ اس دوران کے تجربے نے دنیا کے بارے میں ان کے تاثرات کو بدل دیا ہے اور اس ایک برس کی خدمت نے ان کو مزید فیاض، بے لوث اور مہربان دل انسان بنا دیا ہے۔

گزشتہ ایک سال کے دوران اپنے معمولات کا تذکرہ کرتے ہوئے اشوک شان نے کہا کہ اس عرصے کے دوران انہوں نے اپنے سینیئر کے ذریعے تفویض کردہ متعدد فرائض سر انجام دیئے ہیں جس میں مثبت مریضوں کے رابطے کا سراغ لگانا، مثبت افراد کو قرنطینی سہولیات میں منتقل کرناوغیرہ وغیرہ شامل ہیں۔

انہوں نے کہا: 'پچھلے سال کیو آر ٹی ٹیم میں زیادہ ڈیوٹی کے شیڈول کی وجہ سے میں نے اپنی شادی کی تقریب موخر کی اور 3 ماہ تک گھر نہیں گیا'۔اشوک نے کہا کہ نمونے لینے والی ٹیم کے ایک حصے کے طور پر انہوں نے آر ٹی پی سی آر اور آر اے ٹی کے زائد از 1000 ٹیسٹ بھی کئے ہیں۔

انہوں نے مزید کہا: 'جب میں اپنی پی پی ای کٹ کو نکالتا ہوں تو او پی ڈی میں دن کی شفٹ مکمل کرنے کے بعد میرے جسم سے نکلتا ہوا پسینہ مجھے زیادہ قابل اور مطمئن محسوس کرتا ہے جو کسی بھی دنیاوی آلے سے نہیں نانپا جاسکتا ہے'۔

انہوں نے ہر شعبہ ہائے اور طبقہ ہائے فکر کے لوگوں سے اپیل کی وہ ویکسین کے بارے میں افواہوں پر توجہ نہ دیں اور جلد از جلد کووڈ حفاظتی ٹیکے لگائیں اور محفوظ رہنے کے لئے تمام ضرور ی ہدایات پر عمل کریں۔