کورونا: ہوٹل، ریستورانوں، کو شیلٹر ہوم میں تبدیل کرنے سے متعلق عرضی سپریم کورٹ سے خارج

نئی دہلی: سپریم کورٹ نے کورونا وائرس ’کووڈ۔19‘ کے بڑھتے خطرے کے پیش نظر ملک کے ہوٹلوں، ریستورانوں اور گیسٹ ہاوسوں کو شیلٹر ہوم، کورینٹائن سنٹر اور آئسولیشن سنٹر میں تبدیل کرنے سے متعلق عرضی جمعہ کو خارج کردی۔

مہاجر مزدوروں کی نقل مکانی پر عرضی دائر کرنے والے وکیل الکھ آلوک سریواستو نے نئی عرضی دائر کرکے ملک کے ہوٹلوں، ریستورانوں اور گیسٹ ہاوسوں کو تحویل میں لیکر انہیں شیلٹر ہوم، کورینٹائن سنٹر اور آئسولیشن سنٹر میں تبدیل کرنے کی ہدایت دینے کی عدالت سے درخواست کی۔

جج ایل ناگیشور راو اور جج دیپک گپتا پر مشتمل بنچ نے ویڈیو کانفرنسنگ کے ذریعہ ہوئی سماعت کے دوران یہ کہتے ہوئے عرضی خارج کردی کہ لوگ طرح طرح کے خیالات لیکر آرہے ہیں اور ہر کسی صلاح نہیں سنی جاسکتی۔ اس سے پہلے سالیسٹر جنرل تشار مہتہ نے دلیل دی کہ حکومت نے پہلے ہی یہ عمل شروع کردیا ہے۔

انہوں نے کہاکہ انفیکشن سے متاثرہونے والے ممکنہ مریضوں اور مہاجر مزدوروں کو ان سرکاری عمارتوں میں ٹھہرایا جارہا ہے جہاں انہیں مناسب طبی سہولیات دستیاب ہیں، ساتھ ہی ریاستی حکومتیں بھی ان کا خیال رکھ رہی ہیں۔ جج نے کہاکہ لاکھوں لوگ اپنے لاکھوں لوگ اپنے لاکھو ں آئیڈیا دے رہے ہیں ان تمام کو نہیں سن سکتے۔

خیال رہے کہ سریواستو نے مہاجر مزدوروں کو مناسب انتظامات دستیاب کرانے سے متعلق ایک اور عرضی داخل کی ہے جس پر عدالت نے گزشتہ دنوں سماعت کی تھی اور مرکز کو کئی طرح کی ہدایات دی تھیں۔