کورونا کا کل ہوگا شباب، پھر کمی ہونا شروع ہو جائے گی

کورونا وبا کی دوسری لہر نے پورے ہندوستان میں کحرام مچا رکھا ہے اور ملک میں روز نئے معاملوں میں اضافہ ہو رہا ہے۔کل یعنی بدھ کو یہ تعداد چار لاکھ بارہ ہزار سے زیادہ رہی۔اسیے میں عوام کو یہ بےچینی ہے کہ یہ لہر کب رکے گی ۔ کورونا کے بڑھتےمعاملوں کےبیچ حکومت کے میتھس ماڈل کے ماہر پروفیسر ودیا ساگر کا کہنا ہے کہ کورونا کی دوسری لہر 7 مئی یعنی کل اپنے شباب پر ہوگی اور طبی شعبہ کو اس کے لئے پوری طرح تیار رہنا چاہئے ۔

ایک چینل کو دئے گئے انٹرویو میں پروفیسر نے کہا ہے کہ اس ہفتہ کورونا وبا اپنےشباب پر ہوگی ۔ انہوں نےکہا کہ ہر ریاست میں صورتحال مختلف ہو سکتی ہے اور ہر ریاست میں وبا کے پیک پر پہنچنےکا وقت الگ الگ ہوسکتا ہے۔ انہوں نے کہا کہ اگر کورونا کے بڑھتےاعداد و شمار دیکھیں تو کورونا کی لہر یا تو اپنے شباب پر ہے یا اس کے قریب ہے۔ انہوں نے کہا کہ اس کے بعد کوروناکے نئے معاملوں میں کمی درج ہونا شروع ہوجائےگی۔

پروفیسر ودیا ساگر کی بات اگر درست ثابت ہوتی ہے تو یہ ملک کےلئے بڑی راحت کی خبر ہو سکتی ہے کیونکہ دوسری لہر کےچلتےلوگوں میں بہت خوف ہے۔دوسری جانب اسپتالوں میں بیڈ کی اورآکسیجن کی کمی ہے۔ پروفیسر کے مطابق مئی کے بعد کسی بھی ریاست میں کورونا کی پیک یعنی اس کا شباب نہیں ہوگا اور جہاں جیسےکورونا کے معاملوں میں اضافہ ہوا ہےویسےویسے وہاں معاملوں میں کمی واقع ہو گی۔