کورونا کے معاملوں میں اضافہ جاری، گزشتہ 24 گھنٹوں میں 18738 مریضوں کی تصدیق

نئی دہلی: ملک میں گزشتہ 24 گھنٹوں کے دوران کورونا انفیکشن کے 18738 نئے معاملے سامنے آئے، جبکہ 18558 مریض صحت یاب ہوئے۔ جس کے بعد اس وبا سے نجات پانے والوں کی کل تعداد بڑھ 43484110 ہوگئی ہے۔ ملک میں ایکٹو معاملوں کی تعداد میں 140 کے اضافے کے ساتھ ان کی کل تعداد 1,34,933 ہو گئی ہے۔ ادھر، ملک میں 2062179411 افراد کو کورونا کا ٹیکہ لگایا جا چکا ہے، گزشتہ 24 گھنٹوں میں 2958617 افراد کو ٹیکے لگائے گئے۔

مرکزی وزارت صحت اور خاندانی بہبود کی جانب سے اتوار کو جاری اعداد و شمار کے مطابق گزشتہ 24 گھنٹوں میں کورونا انفیکشن کے 18738 نئے معاملے سامنے آنے سے متاثرہ افراد کی کل تعداد بڑھ کر 44145732 ہو گئی ہے۔ ملک میں ایکٹو معاملوں کی شرح 0.31 فیصد ہے جب کہ صحت یاب ہونے کی شرح 98.50 اور اموات کی شرح 1.19 فیصد ہے۔ ملک میں گزشتہ 24 گھنٹوں میں تین لاکھ 72 ہزار 910 کووڈ ٹیسٹ کیے گئے ہیں اور اب کل 87 کروڑ 78 لاکھ سے زیادہ کووڈ ٹیسٹ کیے گئے ہیں۔