دہلی میں کورونا انفیکشن کے اعداد وشمار 87000 سے زیادہ، کنٹینمنٹ زون 440 ہوئے

کورونا وائرس (کووڈ۔19) کی وبا جھیل رہی راجدھانی دہلی میں منگل کو نئے معاملے بڑھنے کے ساتھ ہی کنٹیمنٹ زون کی تعداد میں اضافہ ہونا فکر کی بات ہے۔

دہلی حکومت کے وزارت صحت کی طرف سے جاری اعدادوشمار کے مطابق منگل کورونا انفیکشن کے 2199 نئے معاملے آئے جس سے مجموعی طور سے متاثروں کی تعدادبڑھ کر 87360 ہوگئی۔ اس دوران کنٹیمنٹ زون علاقوں کی تعداد پانچ اور بڑھ گئی ہے اور اب کل تعداد 440 ہوگئی۔

اس دوران 62 اور مریضوں کی موت ہونے سے اس وبا سےمرنے والوں کی مجموعی تعداد 2742 ہوگئی ۔ دہلی میں 23 جون کو ایک دن میں کورونا انفیکشن کے سب سے زیادہ 3947 نئے معاملے سامنے آئے تھے۔ پیر کو 2084 نئے معاملے تھے۔ گزشتہ چوبیس گھنٹوں کے دوران راحت کی بات یہ رہی کہ اس دوران 2113 مریض ٹھیک بھی ہوئے اور اب تک 58348 لوگ کورونا سے ٹھیک بھی ہوچکے ہیں۔ آج سرگرم معاملوں کی تعداد 26270 ہے۔

کورونا جانچ میں گزشتہ کچھ دنوں میں آئی تیزی سے مجموعی جانچ کے اعدادوشمار 531752 ہوگئے ہیں۔ گزشتہ چوبیس گھنٹوں میں دہلی میں 18179 جانچ کی گئی۔ اس میں آر ٹی پی سی آر جانچ 9585 اور ریپڈ اینٹی جین جانچ 7595 تھی۔ دہلی میں دس لاکھ کی آبادی پر جانچ کا اوسط بھی بڑھ کر27986 ہوگیا ہے۔ دہلی میں مجموعی طور سے کورونا بیڈس 13611 ہیں جس میں 5912 پر مریض ہیں جبکہ 7749 خالی ہیں۔ ہوم آئسولیشن میں 16240 مریض ہیں۔