راجیو گاندھی کی برسی پر کورونا متاثرین کے لیے کانگریس نے اٹھایا بڑا قدم

نئی دہلی:کانگریس نے سابق وزیراعظم راجیو گاندھی کی برسی پر جمعرات کو ان کی یاد میں دیئے جانے والے اشتہار وغیرہ میں خرچ ہونے والے پیسوں کو کامگاروں کی مدد میں خرچ کرنے کا فیصلہ کیا ہے۔ کانگریس نے یہاں جاری بیان میں کہا کہ ’’آج سابق وزیراعظم اور بھارت رتن آنجہانی راجیو گاندھی جی کی قربانی کے دن پر ملک کے ہر شہری نے انہیں یاد کر کے خراج عقیدت پیش کیا ہے۔‘‘

کانگریس نے کہا کہ ’’کورونا وائرس وبا کی وجہ سے کانگریس پارٹی نے یہ فیصلہ کیا ہے کہ اس بار برسی پر اشتہار دینے کے بجائے یہ ساری رقم مزدوروں، کامگار بھائیوں کی مدد کے لئے لگائی جائے گی۔ پورے ملک میں کانگریس کارکنان نے بھی اس یوم تحریک پر ہر ضرورت مند کی خدمت کا عزم لےکر اپنی ہر کوشش اس سمت میں مرکوز کرنے کا عہد دہرایا ہے۔