کانگریس ایک نظریے کا نام ہے، ’بھارت جوڑو یاترا‘ میں ہم وطنوں کی حمایت نے اسے ثابت کر دیا: انیل کمار

نئی دہلی؛ انڈین نیشنل کانگریس کے 138 ویں یوم تاسیس کے موقع پر دہلی پردیش کانگریس کمیٹی کے صدر چودھری انیل کمار نے کہا کہ کانگریس ایک نظریے کا نام ہے جس نے ہندوستان کو آزادی دلانے میں اہم کردار ادا کیا۔ انہوں نے کہا کہ 28 دسمبر 1885 کو قائم ہونے والی انڈین نیشنل کانگریس دنیا کی سب سے بڑی سیاسی تحریکوں میں سے ایک بن گئی، جس نے 15 اگست 1947 کو آزادی کے لیے ایک منفرد عدم تشدد کی جدوجہد کے ذریعے ملک کی آزادی حاصل کی۔

کانگریس کے یوم تاسیس کے موقع پر پرچم کشائی کے بعد چودھری انیل کمار نے کہا کہ ہندوستان کے بنیادی اصولوں پر مسلسل حملے ہو رہے ہیں اور پورے ملک کو نفرت کی کھائی میں دھکیلا جا رہا ہے۔ بے روزگاری، مہنگائی، معاشی بحران کی وجہ سے ملک کے عوام کو روزی روٹی کے لیے مشکلات کا سامنا ہے، جس کی مودی حکومت کو کوئی پروا نہیں۔

انہوں نے کہا کہ ملک میں بڑھتی ہوئی بے روزگاری، مہنگائی، نفرت، فرقہ پرستی، آمرانہ حکومت کے ملک دشمن فیصلوں، مودی حکومت کے خلاف ملک اور اہل وطن کے مفادات کے تحفظ کے لیے راہل گاندھی کی طرف سے نکالی جا رہی ’بھارت جوڑو یاترا‘ ہے۔ اسے بے پناہ حمایت مل رہی ہے اور حکومت کی جڑیں ہل گئی ہیں۔

انیل کمار نے کہا کہ ملک کو آزادی دلانے والی کانگریس پارٹی نے 55 سال حکومت کر کے جدید ہندوستان کو دنیا میں پہچان دلائی، ملک کو ترقی کا راستہ دکھایا، جس کی بنا پر آج بی جے پی وزیر اعظم نریندر مودی کی قیادت کی بے بنیاد تعریف کر ہی ہے۔ انہوں نے کہا کہ دہلی میں عام آدمی پارٹی کی کیجریوال حکومت اور مرکز میں بی جے پی کی مرکزی حکومت کو ملک اور دہلی والوں کے حقوق اور مفادات کی حفاظت سے کوئی سروکار نہیں ہے۔ ان کا اصل مقصد مذہب، ذات پات، زبان اور طبقے کی بنیاد پر سیاست کرنا ہے جس کی وجہ سے ملک میں امیر اور غریب کے درمیان خلیج مسلسل بڑھ رہی ہے۔