چدمبرم پر بی جے پی کے الزامات کو کانگریس نے مسترد کیا

کانگریس نے اپنے سینئر لیڈر اور سابق مرکزی وزیر پی چدمبرم پر بیرون ملک اثاثے رکھنے کے بھارتیہ جنتا پارٹی کے الزامات کو مسترد کرتے ہوئے الزام کو بے بنیاد قرار دیا اور کہا کہ اس میں کوئی سچائی نہیں ہے۔

کانگریس کے ترجمان پون کھیڑا نے پارٹی ہیڈکوارٹر میں صحافیوں کو بتایا کہ چدمبرم نے اپنی جائداد کی مکمل تفصیل محکمہ انکم ٹیکس اور متعلقہ جانچ ایجنسیوں کو دی ہے اور کسی بھی طرح کی جانچ میں وہ تعاون کر رہے ہیں۔

واضح رہے کہ بی جے پی کی سینئر لیڈر نرملا سیتا رمن نے الزام لگایا ہے کہ چدمبرم نے بیرونی ممالک میں سرمایہ کاری کی ہے۔ سیتا رمن نے کہا، ’’چدمبرم ہندوستان کے ’نواز شریف‘ ہیں۔ انہوں نے بیرون ملک میں کثیر مقدار میں فنڈ کی سرمایہ کاری کی ہے جس کی معلومات جانچ ایجنسیوں کو نہیں دی ہے۔‘‘