جموں و کشمیر کے ترال میں تصادم، 2 ملی ٹنٹ ہلاک، آپریشن ہنوز جاری
ترجمان کے مطابق گولیوں کا تبادلہ تھم جانے کے بعد سیکورٹی فورسز نے تصادم کی جگہ سے دو ملی ٹنٹوں کی لاشیں برآمد کیں، جن کی شناخت اور تنظیمی وابستگی کے بارے میں جانچ پڑتال شروع کر دی گئی ہے۔
سری نگر: جنوبی کشمیر کے ضلع پلوامہ کے ہردہ میر ترال علاقے میں سیکورٹی فورسز اور ملی ٹنٹوں کے درمیان مختصر تصادم میں دو ملی ٹنٹ ہلاک ہوئے ہیں۔ ایک پولیس ترجمان نے بتایا کہ ’سب ضلع ترال کے ہردہ میر گاوں میں ہفتے کے روز ملی ٹنٹوں کی موجودگی کی اطلاع موصول ہونے کے بعد سیکورٹی فورسز نے جونہی تلاشی آپریشن شروع کیا تو اسی اثنا میں وہاں پر موجود ملی ٹنٹوں نے فورسز پر اندھا دھند فائرنگ شروع کی‘۔
انہوں نے کہا کہ حفاظتی عملے نے بھی پوزیشن سنبھال کر جوابی کارروائی کا آغاز کیا جس دوران دو بدو گولیوں کا تبادلہ شروع ہوا۔ ترجمان کے مطابق گولیوں کا تبادلہ تھم جانے کے بعد سیکورٹی فورسز نے تصادم کی جگہ سے دو ملی ٹنٹوں کی لاشیں برآمد کیں، جن کی شناخت اور تنظیمی وابستگی کے بارے میں جانچ پڑتال شروع کی گئی ہے۔ اںہوں نے بتایا کہ علاقے میں تلاشی آپریشن ہنوز جاری ہے۔
یہ بھی پڑھیں : یو پی چناؤ اب چھ ماہ ملتوی ہونے کے آثار...ظفر آغا
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔