شہر یت ترمیمی قانون تمام ریاستوں کو نافذ کرنا ہوگا: شیوراج سنگھ

جے پور: مدھیہ پردیش کے سابق وزیراعلی اور بھارتیہ جنتا پارٹی (بی جے پی) کے قومی نائب صدر شیوراج سنگھ نے کہا کہ شہریت ترمیمی قانون (سی اے اے) تمام ریاستوں کو نافذ کرنا ہوگا۔ شیوراج سنگھ نے آج یہاں نامہ نگاروں سے کہا کہ یہ قانون پارلیمنٹ نے بنایا ہے۔ دونوں ایوان نے اسے منظور کیا ہے۔ اسے نافذ کرنے سے ریاست منع نہیں کرسکتی ہیں۔

انہوں نے کہا کہ ائینی عہدہ پر بیٹھے ریاستوں کے وزیراعلی اسے ریاستوں میں نافذ کرنے سے انکار نہیں کرسکتے۔ انہیں نافذ کرنا ہی ہوگا، دوسرا کوئی طریقہ نہیں ہے۔ انہوں نے کہا کہ مرکزی حکومت کے پاس دوسرے راستے بھی ہیں، حالانکہ انہیں امید ہے کہ ایسی نوبت نہیں آئے گی۔

سنگھ نے کہا کہ فی الحال 2014 تک کے پناہ گزینوں کو اس قانون کے تحت شہریت دینے کا التزام کیا گیا ہے، اس کے بعد آنے والوں کو بھی شہریت دینے کے راستے کھلے ہیں۔

ایک سوال کے جواب میں شیوراج سنگھ نے کہا کہ سی اے اے اور این آر سی دونوں الگ ہیں۔ سی اے اے مذہبی بنیاد پر اذیت کے شکار لوگوں کو شہریت دینے کے لئے لایا گیا ہے جبکہ این آر سی ملک کے کسی بھی شہری پر نافذ نہیں ہوگا۔ اس سے کسی کو تکلیف نہیں ہونی چاہیے۔ یہ انہی کے لئے ہے جو ملک میں غیرقانونی طریقہ سے غلط ارادے سے آئے ہیں۔

انہوں نے کانگریس پر الزام لگایا کہ وہ ووٹ بینک کی سیاست کے سبب اس بارے میں بھرم پھیلا رہی ہے۔ انہیں لگتا ہے کہ ایسی سرگرمیوں سے انہیں فائدہ ہوگا، لیکن اب بھرم دور ہورہا ہے۔ انہوں نے کہا کہ سونیا گاندھی نے پارلیمنٹ میں اس بل پر بحث میں حصہ لیا۔ بعد میں ایک و یڈیو جاری کیا۔ جب اس پر بحث ہو رہی تھی تو اس پر سونیا گاندھی نے ایک لفظ نہیں بولیں۔

انہوں نے کہا کہ راہل گاندھی تو ملک میں کم ملک سے باہر زیادہ رہتے ہیں، پارلیمنٹ میں بحث کے دوران وہ بھی موجود تھے لیکن انہوں نے بھی اس معاملہ پر ایک لفظ نہیں کہا۔ اب وہ اس پر ہائے توبہ مچا رہے ہیں۔