نوٹ بندی کا فیصلہ معیشت کے لئے سنگین جرم تھا: چدمبرم

کانگریس کے سینئر لیڈر اور سابق وزیر خزانہ پی چدمبرم نے نوٹوں کی منسوخی کے تعلق سے وزیراعظم نریندر مودی پر سخت حملہ کرتے ہوئے کہاکہ ملک کی معیشت کے لئے مودی حکومت کا یہ فیصلہ ایک مجرمانہ قدم تھا۔
مسٹر چدمبرم نے معروف ماہر اقتصادیات اور بین الاقوامی کرنسی فنڈ کے سربراہ کی آئندہ مہینہ ذمہ داری سنبھالنے والے ڈاکٹر گیتا گوپی ناتھ کے امریکہ کے نیشنل بیورو آف اکونومک ریسرچ میں شائع ایک تحقیقی مقالہ میں کئے گئے تبصرہ کا ذکر کرتے ہوئے حکومت پر سخت حملہ کیا اور کہا کہ نوٹوں کی منسوخی ہندستانی معیشت کے لئے سنگین جرم تھا۔ اس کی وجہ سے اکتوبر۔دسمبر 2016کے درمیان اقتصادی شرح نمو دو فیصد کم ہوئی تھی۔

ڈاکٹر گوپی ناتھ کے اس تحقیقی مقالہ کے مطابق حکومت کے نوٹوں کی منسوخی کے فیصلے کی وجہ سے 2016میں اکتوبر اور دسمبر کے دوران اقتصادی شرح نمو کم از کم دو فیصد کم ہوئی تھی۔

ہندستان میں پیدا ہوئے ہاورڈ یونیورسٹی کے پروفیسر گیتا گوپی ناتھ کے تحقیقی مقالہ میں کہا گیا ہے کہ نوٹوں کی منسوخی کے فیصلے سے چھوٹے چھوٹے مقامات پر اقتصادی سرگرمیاں رک گئی تھیں، ادائیگی کی نئی تکنیک کو تیزی سے اپنایا جانے لگا تھا اور بنکوں سے قرض لینے میں کمی آگئی تھی۔

مرکزی حکومت کے نوٹ بندی کے فیصلہ کی تنقید خود حکومت کے اقتصادی مشیر اروند سبرامنئم کر چکے ہیں ۔ ریزرو بینک آف اندیا کے سابق گورنر رگھو رام راجن کر چکے ہیں اور یہ حقیقت ہے کہ اس فیصلے سے ملک کی گھریلو صنعت برباد ہو گئی ہے ۔ حکمراں جماعت بی جے پی کو اس کا سیاسی نقصان بھی مستقل ہو رہا ہے اور عوام میں ناراضگی بڑھ رہی ہے۔ اس فیصلہ کی وجہ سے ملک میں بے روزگاری کم ہونے کے بجائے بڑھی ہے۔