چمپائی سورین نئی پارٹی نہیں بنائیں گے، بی جے پی میں ہوں گے شامل

جھارکھنڈ کے سابق وزیر اعلی چمپائی سورین نے کل 26 اگست کو مرکزی وزیر داخلہ امت شاہ سے ملاقات کی۔ اس کے ساتھ ہی یہ واضح ہوگیا کہ چمپائی سورین بی جے پی میں شامل ہوں گے۔ ملاقات کے دوران آسام کے وزیر اعلیٰ اور جھارکھنڈ میں بی جے پی کے شریک انچارج ہمنتا بسوا سرما بھی موجود تھے۔

سرما نے ایکس پر لکھا، "جھارکھنڈ کے سابق وزیر اعلی اور ہمارے ملک کے بزرگ قبائلی رہنما چمپائی سورین نے کچھ دیر پہلے عزت مآب مرکزی وزیر داخلہ امت شاہ سے ملاقات کی۔"سرما نے بتایا کہ چمپائی سورین 30 اگست کو رانچی میں بی جے پی میں شامل ہوں گے۔ اس سے یہ واضح ہے کہ چمپائی سورین جے ایم ایم سے الگ ہوکر نئی تنظیم نہیں بنائیں گے۔ اسمبلی انتخابات سے پہلے چمپائی سورین کے اس قدم کو حکمراں جماعت جے ایم ایم کے لیے بڑا دھچکا مانا جا رہا ہے۔

ہیمنت سورین حکومت میں وزیر چمپائی سورین نے حال ہی میں جے ایم ایم کے خلاف بغاوت کی تھی۔ اس کے بعد سے ان کے اگلے قدم کو لے کر کئی قیاس آرائیاں کی جا رہی تھیں۔ بی جے پی میں شامل ہونے کے بارے میں انہوں نے کہا تھا کہ وہ تمام متبادل  پر غور کر رہے ہیں۔ انہوں نے نئی پارٹی بنانے کی بات بھی کی تھی۔

جھارکھنڈ ٹائیگر کے نام سے مشہور چمپائی سورین 2 فروری کو وزیر اعلیٰ بنے۔ انہوں نے ہیمنت سورین کے استعفیٰ کے بعد جھارکھنڈ کا چارج سنبھالا۔ تاہم ہیمنت سورین کی جیل سے رہائی کے بعد انہیں استعفیٰ دینا پڑا۔ ہیمنت سورین دوبارہ وزیر اعلیٰ بن گئے۔ چمپائی سورین نے اس ردوبدل پر ناراضگی کا اظہار کیا۔ چمپائی نئی حکومت میں وزیر ہیں۔ خیال کیا جا رہا ہے کہ وہ جلد ہی وزیر کے عہدے سے استعفیٰ دے دیں گے۔