سی ڈی ایس انل چوہان کو ملی ’زیڈ پلس‘ کیٹگری کی سیکورٹی، آئی بی ایک رپورٹ کو مدنظر رکھتے ہوئے کیا گیا فیصلہ

مرکزی حکومت نے نوتقرر چیف آف ڈیفنس اسٹاف (سی ڈی ایس) جنرل انل چوہان کو دہلی پولیس کی زیڈ پلس کیٹگری کی سیکورٹی فراہم کی ہے۔ دہلی پولیس کی طرف سے انھیں یہ مسلح سیکورٹی مہیا کی جائے گی۔ وزارت داخلہ کے ذرائع نے بتایا کہ نئے چیف آف ڈیفنس اسٹاف انل چوہان کو زیڈ پلس کیٹگری کی سیکورٹی مہیا کروائی جا رہی ہے۔ انٹلیجنس بیورو کی تھریڈ پرسیپشن رپورٹ کی بنیاد پر یہ فیصلہ لیا گیا ہے۔ اس میں دہلی پولیس کے کمانڈو انھیں سیکورٹی فراہم کریں گے۔

واضح رہے کہ حال ہی میں جنرل انل چوہان نے ملک کے دوسرے سی ڈی ایس کی ذمہ داری سنبھالی ہے۔ وہ ایسے پہلے سبکدوش افسر ہیں، جنھوں نے سبکدوش ہونے کے بعد چار ستارا رینک کے ساتھ سروس میں واپسی کی ہے۔