ازبکستان: کھانسی کے شربت سے بچوں کی موت کا معاملہ، سرکاری ایجنسیوں نے نوئیڈا کی ’ماریون بائیوٹیک‘ پہنچ کر حاصل کئے نمونے
وزارت نے کہا کہ اطلاع ملنے کے فوراً بعد اتر پردیش ڈرگ کنٹرولر اور سی ڈی ایس سی او کی ٹیم نے مینوفیکچرر ماریون بائیوٹیک کے نوئیڈا پلانٹ کا مشترکہ معائنہ کیا۔
آئی اے این ایس
نئی دہلی: ازبکستان کی وزارت صحت کا الزام ہے کہ ہندوستانی کمپنی ماریون بائیوٹیک کے کھانسی کے شربت (کف سیرپ) سے ان کے ملک میں 18 بچوں کی موت ہوگئی ہے، اتر پردیش ڈرگ کنٹرول اور سی ڈی ایس سی او کی ٹیم نے سیرپ بنانے والی کمپنی کی نوئیڈا میں واقع فیکٹری کا مشترکہ طور پر معائنہ کیا۔
مرکزی صحت اور خاندانی بہبود کے وزیر منسکھ مانڈویہ نے جمعرات کو اس معاملے میں ٹوئٹ کیا کہ سینٹرل ڈرگس اسٹینڈرڈ کنٹرول آرگنائزیشن (سی ڈی ایس سی او) [ازبکستان] کھانسی کی دوا کی فراہمی کے معاملے میں ڈرگ ریگولیٹر کے ساتھ مسلسل رابطے میں ہے۔ سی ڈی ایس سی او 27 دسمبر سے اس معاملہ میں ازبکستان کے نیشنل ڈرگ ریگولیٹر کے ساتھ باقاعدہ رابطے میں ہے۔
وزارت نے کہا کہ اطلاع ملنے کے فوراً بعد اتر پردیش ڈرگ کنٹرولر اور سی ڈی ایس سی او کی ٹیم نے مینوفیکچرر ماریون بائیوٹیک کے نوئیڈا پلانٹ کا مشترکہ معائنہ کیا۔ وزارت نے کہا کہ معائنہ رپورٹ کی بنیاد پر مزید کارروائی کی جائے گی۔
وزارت نے بتایا کہ کھانسی کے شربت کے نمونے کمپنی کے احاطے سے جمع کیے گئے ہیں اور تفصیلی جانچ کے لیے ریجنل ڈرگ ٹیسٹنگ لیبارٹری (آر ڈی ٹی ایل) چنڈی گڑھ کو بھیجے گئے ہیں۔ ماریون بائیوٹیک ایک لائسنس یافتہ مینوفیکچرر ہے۔ اتر پردیش ڈرگ کنٹرولر سے "ڈاک 1 میکس" کھانسی کا شربت اور ٹیبلٹ برآمد و تیار کرنے کے لیے لائسنس ملا ہے۔
(یو این آئی ان پٹ کے ساتھ)
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔