جنسی زیادتی کے بعد طالبہ کو جلانے کے معاملے میں مجرم کو پھانسی

رانچی: جھارکھنڈ کی راجدھانی رانچی میں انجینئرنگ کی طالبہ کو جنسی زیادتی کا شکار بنانے کے بعد گلا دبا کر قتل کرکے اسے جلائے جانے کے تین سال پرانے معاملے میں مرکزی جانچ بیورو (سی بی آئی) کی خصوصی عدالت نے ریکارڈ وقت میں سماعت مکمل کرتے ہوئےملزم راہل عرف راج کو پھانسی کی سزا سنائی ہے۔

سی بی آئی کے خصوصی جج اے کے مشر کی عدالت نے محض 16 دن کے کام میں 30 گواہوں کے بیان درج کرو اکر دو دنوں میں دونوں فریقوں کے دلائل سننے کے بعد ملزم راہل راج عرف راج کو مجرم قرار دیا تھا۔ ہفتہ کے روز سزا پر سماعت کے بعد عدالت نے اسے پھانسی کی سزا سنائی۔

واردات کی تفصیل

معاملہ 15 دسمبر 2016 کی رات کا ہے۔ ملزم کے مطابق بوٹی محلے میں انجینیئرنگ کی 19 برس کی طالبہ کو جنسی زیادتی کا شکار بنانے کے بعد گلا گھونٹ کر قتل کر دیا گیا اور اس کی لاش کو کمرے میں ہی جلا دیا گیا تھا۔ 16 دسمبر 2016 کی صبح قتل کی واردات کے بارے میں پولیس کو مقامی لوگوں سے اطلاع موصول ہوئی۔ اطلاع ملنے پر پولیس جب طالبہ کے کمرے میں پہنچی تو وہ جل رہی تھی۔ کمرے سے دھواں نکل رہا تھا۔ جھارکھنڈ کے بڑکانا کی رہنے والی طالبہ ایک دن پہلے ہی رانچی لوٹی تھی۔

رانچی پولیس اور سی آئی ڈی نے مشترکہ طور پر معاملے کی تفتیش کی۔ اس واردات میں 500 سے زیادہ افراد سے پوچھ گچھ کے باوجود پولیس اور سی آئی ڈی معاملے کی تہہ تک پہنچ پائی۔ بعد ازاں وزیراعلیٰ رگھور داس نے تفتیش کی ذمہ داری سی بی آئی کو سونپے جانے کی منظوری دی۔ سی بی آئی نے اس معاملے مین 28 مارچ 2018 کو ایف آئی آر درج کروا کر ریسرچ شروع کر دیا۔

سی بی آئی نے پروڈکشن وارنٹ کی بنیاد پر معاملے کے اہم ملزم راہل رائے کو 22 جون 2019 کو اتر پردیش کی راجدھانی لکھنؤ سے گرفتار کر کے رانچی لائی اور اسے برسا منڈا مرکزی جیل بھیج دیا گیا۔ سی بی آئی نے خصوصی عدالت میں راہل کے خلاف 19 ستمبر 2019 کو فرد جرم داخل کیا اور 25 اکتوبر کو اس کے خلاف الزامات طے ہوئے۔