کورونا کے اثرات کو کم کرنے کے لئے گہلوت کی رہنمائی میں کام ہو رہا ہے: پانڈے

جے پور: کل ہند کانگریس کمیٹی کے جنرل سکریٹری اویناش پانڈے نے کہا کہ عالمی وبا کورونا کے بڑھتے اثرات کو مسلسل غیر فعال بنانے کی سمت میں ریاست کی حکومت اور کانگریس پارٹی کے عہدیداران وزیر اعلی اشوک گہلوت کی ہدایت پر کام کر رہے ہیں۔

راجستھان کے انچارج پانڈے نے آج یہاں ایک بیان میں کہا کہ راجستھان میں کانگریس حکومت اور کابینہ کے تمام ساتھی و اراکین اسمبلی، سماجی تنظیموں اور رضاکار اداروں کے تعاون سے اس بحران کی گھڑی میں انتظامات کو بہتر طریقے سے جاری رکھنے کے لئے کام کر رہے ہیں۔

انہوں نے کہا کہ ریاست کے تمام ڈاکٹر، نرسنگ عملہ، پیرامیڈیکل عملے کے ساتھ ساتھ طبی محکمہ کے تمام اہلکار اور مقامی ضلع انتظامیہ، پولیس انتظامیہ اور خصوصی طور سے ہمارے تمام صفائی ملازمین مکمل مستعدی سے اپنی خدمات دے کر کورونا وائرس کے اثرات کو کم کرنے کی سمت میں مسلسل دن رات ایک کیے ہوئے ہیں۔

انہوں نے کہا کہ اس عالمی بحران سے نمٹنے کے لئے راجستھان حکومت نے جہاں ملک میں سب سے پہلے 22 مارچ کو ہی لاک ڈاؤن لاگو کیا وہیں ریاست میں کسی بھی عام لوگوں کو اس بحران میں بھوکا نہ سونے دینے کا عہد بھی کیا ہے۔

پانڈے نے امید ظاہر کی کہ ریاستی حکومت کی طرف سے اٹھائے گئے ٹھوس قدم اور طبی محکمہ صحت کی طرف سے کیے جا نے والی کوششوں سے عام لوگوں کو اس وبا سے جلد ہی نجات ملے گی۔ انہوں نے ریاست کے عوام کا شکریہ ادا کرتے ہوئے کہا کہ ریاست کے عام لوگوں نے جس باہمی بھائی چارے اور سماجی ہم آہنگی کی جو روایت کا پاس رکھا ہے وہ پورے ملک کے لئے ایک مثال بن گئی ہے۔